Kulturë
Sokol Demaku: Mirënjohje poetëve Basha dhe Hoxha
E hene, 18.06.2012, 05:22 PM
Mirënjohje poetëve Remzi Basha dhe znj. Qibrije Hoxha
Nga Sokol Demaku
Ende nuk është
vonë po qe se themi se para disa muajsh (shtator (2011), redaksia e revistës "Shqip.dk",
shpalli një konkurs për "Poetin e vitit". Në ketë konkurs u përfshinë
një numër i madh poetësh me vargjet e tyre, ku të gjithë u shquan për përmbajtjen
e tyre të pasur. Lexuesi pati rastin të njihet me poetin dhe shkrimtarin tonë nga
Suedia, zt . Remzi Basha. Duke lexuar poezinë e tij, çdokush e kupton mallin që
ai e ndjen për vendlindjen dhe sa me dashuri dhe përkushtim i shkruan ato
vargje. Poezia e tij është frymëzuese, burimore dhe e gjallë, që del nga forca
vigane e këtij njeriu që nuk ka ditur kurrë të ndalet. Dëshira e tij është e
madhe që kudo që flitet gjuha shqipe, kudo që i thonë tokë shqiptare, të jenë bashkë
dhe siç shprehet dhe vetë poeti:
“I dua
trojet e mija të gjitha bashkë, e të shëtis pash me pash se është vendi im, është
toka bekuar e te parëve tanë. Toka e atyre që dhane jetën për te.” Dhe pena e
poetit nuk ka të ndalur. Ai shkruan për heronjtë e rënë në luftë për liri. Në vargjet
e tij ka lot malli dhe vuajtje, por dhe ngazëllim gëzimi e fitoreje, sepse çdo
aktivitet i tij vullnetar nuk i shkoi kot, sepse Kosova u çlirua dhe ajo tashmë
është e lirë dhe e pavarur. Remzi Bash nuk ndalet. Ai shkruan dhe shkruan. Dhe
kur flet me të thotë se ka edhe shumë për të thënë e për të shkruar: “Nuk janë asgjë
10 librat që kam bërë. Nuk di të ndalem. Dua te shpreh e të kujtoj ata që nuk
janë më, dua t’u them se amaneti i tyre u bë realitet.”
Krahas
librave të tij në gjuhen shqipe, disa sosh janë përkthyer edhe ne gjuhën
angleze dhe atë suedeze. Ai ka mall për Çamërinë dhe në shkrimet e tij ai e
shpreh më së miri ketë gjë. Ai ka shëtitur në çdo cep të Shqipërisë që e kish ëndërruar
dhe dëshiruar që një ditë ta shihte këtë vend, ku dhe ne gjumin e natës shihte ëndrra,
se si një ditë do të ishte atje, dhe kjo u bë realitet. E sot Shqipëria është e
lirë, siçç e lirë është edhe Kosova dashuria e përjetshme e poetit. Suhareka është
vendi i lindjes që ai me aq mall i kushton poezitë e tija. Ndaj duke parë gjithë
këtë punë voluminoze, ketë poezi kaq të thjeshtë, por aq kuptimplote, ai pati
nderin të jetë fituesi i këtij çmimi të caktuar nga redaksia.
Ky çmim,
në shenje respekti e mirënjohje iu dorëzua poetit nga Kryetari i shoqatës Alba -
Dansk, z. Arben Hoxhaj. Pastaj Kryeredaktori i "Shqip.dk", Luigj
Shkodrani, i dorëzoi znj. Qibrije Hoxha "Mirënjohje",për kontributin
e saj te shquar në çështjen e Kosovës, por dhe një ndër aktivistët më të shquara
në Skandinavi e më gjerë. Zonja Qibrije shquhet për kontributin e dhëne edhe ne
përkthime te ndryshme nga gjuha shqipe në suedisht, dhe anasjelltas, nga
suedishtja në gjuhën shqipe. Ajo gjithë jetën ja ka kushtuar çështjes kombëtare.
Është pjesëmarrëse e rregullt ne te gjitha organizimet qe janë bërë në Skandinavi,
duke dhënë kontributin e saj të çmuar. Ajo ka marrë pjesë në kongreset e
Lidhjesh Shqiptare në botë, ka qenë deputete e Kuvendit të Kosovës. Dhe ajo
vazhdon sot e kësaj dite të kontribuojë në çështjet më madhore të shqiptarëve,
pra, edhe kjo sokoleshë Kosove nuk din të ndalet dhe nuk ka të ndalur. Një mirënjohje
e veçantë për poetin Remzi Basha, u nda këto ditë edhe nga redaksia e revistës
Shqiptari në Bukuresht.