Demir Krasniqi: Loja me imixhin

Parodi :

LOJA ME IMIXHIN

Do  t’i lëshoj mustaqet prej veshit në vesh –

Që  t’ iu bie n’ sy gjithë njerëzve në shesh !

Qelibarin n’ gojë , sahatin me zinxhirë –

Le t’ kujtojnë  njerëzia  se jam burrë i mirë !

Për t’i bindur njerëzit që s’ jam dilenxhi –

Sjell  rruzaret  n’ dorë dhe shkoj në xhami !

Dhe drejt para hoxhës , dal në t’ parin staf –

Për ta bindë xhematin se unë jam esnaf !

Do  t’i  mbuloi  thinjat , rrudhat nëpër faqe   –

Me ngjyrë të këpucëve i ngjyrosi mustaqet !

Me ngjyrë të këpucëve do t’i ngjyrosë flokët –

Kur të dal në korzo – do t’i pëlcas shokët !

Për t’u njohtë ma lehtë nga gjithë bota tjetër –

Edhe pse s’ kam titull – do të lëshoj mjekër !

Herë dukem artist , herë  piktor ,  poet ,

Herë si kaçak mali e herë si profet !...

Kur qimet e thinjura dua t’i përsosi –

Prapë me ngjyrë të këpucëve , mjekrën e ngjyrosi !

Dhe nga dashuria , kur s’ mundëm me fjet –

Do ta krehu mjekrën grathë – grathë thikë përpjetë !

Me qime të mjekrës mbuloj fytyrën , kokën –

Veç kokrrat e syve prej leshit më dokën !

Dhe po ju betohem , o ju shokët e mi –

Kurrë sapun , as krehër n’ flokë t’ mia nuk shti !

Që t’ mos m’ bien qimet e flokëve mbi jastëk –

Dhe për t’ mos krehë flokët – i lidhi bistekë !

Për ta bartë këtë lesh , nuk e kam të lehtë –

Nga tri herë n’ ditë kokën e  rruaj me zhiletë !

Me kokë  si  vidimi  , shëtis nëpër qytet –

Le t’ kujtojnë  njerëzimi – jam  n’ shërbim sekret !

Herë imitoj t’ riun , herë imitoj plakun –

Tu luajt me fytyrë time – e  hjeku merakun !

Gjilan, më 16.01.2012.      Demir KRASNIQI