Blerim Rrecaj: Përkeqësim

Blerim Rrecaj

Rrebe

Fëmija engjëll me pak rrebe

Na e mori atë reket bedmingtoni

Në parkun e qytetit

Reketi që tash e solla në dhomë

Ma kujton fëmijërinë që nuk kthehet.

Rrebesh rrebesh të rrebafta

Sa do të pikoni të egërsuara

Mbi atdheun tim

Tokën e askujt…

Fakt

Qiell i hirtë, re të nxira

Presim ditë më të mira.

Na dhemb barku edhe kryt’

Nga pluhuri e ekranet

Na djegin sytë.

Ne nga po shkojmë

Vendi ynë kah po shkon

Si të dalim nga kjo gjendje

Nga kjo palidhje.com

Përkeqësim

Zotëri ma jep atë të shkretën rrogë,

Zotëri ma jep atë të gjorin honorar

Se me të mbaj shpirtin gjallë…

Debat

Ka njerëz që debatojnë

Por edhe të atillë që janë në modë

E u jepet hapësirë të debaglojnë