Ylldije Sulka: Intervistë imagjinare me Milosheviç

Intervistë imagjinare me Milosheviç

Nga Ylldije Sulka

Të nderuar lexues, po iu paraqesim një intervistë imagjinare me ish-udhëheqesin e ish-Jugosllavisë, zotin Milosheviç të cilin e kemi këtu përpara dhe do t'ia nisim sapo të na vijë përkthyesi.

Përkthyesi erdhi, pyetja e parë: Z. Misholeviç, a mund të na jepni një koment ose një mendim të shkurtër nga "andej" botës për situatën sot?

Milosheviçi - (përkthyesit) Shporru ti, (gazetares) ndërsa ti, gazetare, së pari mos ma ngatërro mbiemrin.

Gazetarja - Lapsus të nderuar lexues, dhe unë iu kërkoj të ...

Milosheviçi - Dhe intervistën do e bëjmë në shqip se unë shqipen e njoh më mirë se gjuhën e nënës, pa njohur gjuhën e armikut, nuk ke sukses.

Pyetje: Klasa politike do integrim europian, pra jo me armiq, ju po thoni...?

Milosheviçi - Milosheviçi nuk njeh tjetër veç shqiptarë që duhen shkulur nga rrënjët, që për hir të së vërtetës i shkula një herë dhe në det do i kisha hedhur, por ah…, ajo Europë që nënat ku i kanë ua..., po nejse më duhen ata të EU-së se do i përdor për planet e mia dhe nuk bën t'i shaj deri në fund. Pyetja tjetër cila ishte?

Pyetje: Ju folët për EU dhe ata janë burra shteti, ju si i konsideroni?

Milosheviçi - Ata janë një tufë me derra, jo me horra se horrat dinë ta dallojnë se kush është e mira dhe e keqja, pra një tufe me derra që çfarë iu hedh në grazhdet e tyre, e hanë. Ne serbët iu kemi hedhur në grazhd shqiptarët dhe tokat e tyre dhe ata i kane ngrenë dhe i kanë copëtuar.

Pyetje: Po për çlirimin e Kosovës çfarë mund të na thoni sa i përket këtij argumenti që ju shtroni?

Milosheviçi - He, he, ju shqiptarëet dhe të gjithë popujt që duan lirinë, por që duheni zhdukur se kështu duam ne të mëdhenjtë, bëjini shyqyr Amerikës dhe seç na dolën ca bishta politikanësh si Toni Bler a ku di une që më skermitën dhëmbët, se juve iu kishim ngrënë të gjalle, zaten siç ua bëmë. Pyteja tjetër?

Pyetje: Jeni dënuar në Hagë për krime lufte ndaj popujve të ish-Jugosllavisë, pra jeni shpallur kriminel, si e quani ju veten edhe pse jeni në botën e përtejme?

Milosheviçi - He, he, he, tani nëse e vutë re, qesha tre herë, po une jam hero dhe nuk jam në botën e përtejme, ose edhe nëse po, përsëri unë nuk iki në amëshim pa e bërë përsëri siç ka qenë Serbia ose Ballkaniada, në ia paç dëgjuar zërin... Pyetja tjetër?

Pyetje: Me sa di nga historia, Serbia nuk ka qene fare para shekullit 13 - 14, a mos doni të thoni që do e shkulni Serbinë e ta çoni përsëri nga ka ardhur?

Milosheviçi - Ti gazetare i paske hyrë shumë thellë historisë dhe nëse nuk e ndërron mendimin se të them unë që Ballkani ka qene serb dhe ortodoks, do jap urdhër të them se ju jeni servile e Amerikës dhe nese përsëri nuk e ndërron mendimin, do them se je agjente e të gjithë atyre që janë kundër nesh. Pyetja tjetër?

Pyetje: Folët për ballkaniadën, cili është plani juaj?

Milosheviçi - Meqë ma mban vetën për historiane dhe paske rrëmuar nëpër arkiva që po e i hap bota, duhet ta dish se ballkaniada është një serbi e tërë, dhe ata magjupë grekë, edhe ata në det e kanë vendin. Pyetja tjetër?

Pyetje: Magjupë?

Milosheviçi - Pse nuk jeni ju nga Kosova që nuk e dini fjalën “magjup”? Kush iu ka lënë ju të hyni në Kosovë dhe më merrni intervistë mua? Ah, e kanë fajin ata bukëshkalët e mij, ata që lanë nacionalsitët gjallë. Pyetja tjetër?

Pyetje: Per ke e keni fjalën zotëri?

Milosheviçi - Thashë pyetja tjetër.

Pyetje: Po, kjo ishte pyetja, për kë e keni fjalën?

Milosheviçi - Shiko, unë kam dhënë urdhër që shqiptarët të dalin nga Kosova dhe jo të hyjnë, kjo është shkelje, shkelje, por e kane fajin ata të Komiterrnit...

Pyetje: A nuk është shuar Komiterrni që para shumë dekadash?.

Milosheviçi - E shikon, ju gazetarët i lexoni siç ua ka ënda historitë dhe faktet, po ku e lemë ne të shuhet Komiterrni, në komiterrn e kemi që nga mësuesi më i thjeshtë i historisë e deri te akademikët që bëjnë enciklopeditë.

Pyetje: Po bata ka edhe historianë të tjerë apo jo?

Milosheviçi - Fatkeqësisht po, por nuk e di si na i le të gjallë dhe të shkruajnë kunder nesh ajo mëma Rusi që nënën edhe asaj se po të mos donte ajo, ne nuk na bombardonin dhe mua nuk më çuan në Hagë dhe tani më duhet të fshihem ...

Pyetje: Ju jeni i vdekur z. Misholeviç, me falni, Milosheviç...

Milosheviçi - E di çke ti gazetare, me thirr shkurt Milo. Pyetja tjetër?

Pyetje: Komenti juaj për situatën sot?

Milosheviçi - Pse deri tani unë për çfarë kam folur, po sot e nesër, ne do luftojmë për Serbinë, për mëmën tonë, për balkaniadën, për... ehu, ke më pyetje? Nëse ke, e vazhdojmë një herë tjetër intervistën dhe do t’iu them edhe emrat e atyre që i kam pasur ... he, he, he, tani do qesh më shumë se tre herë sepse jam në qejf, jam në qejf a nuk më sheh, deri dje vrava e preva shqipatre, edhe nenave ua hoqa nga barku femijet, therra pleq, gra e fëmijë, ua nxorra sytë e i vrava burrat në luftë dhe përsëri jam i fortë sepse përsëri atë Europë e budallallepsa dhe po i’u gjykon për kriminele... he, he, he, he…

Intervista vazhdon në numrin tjetër