Udhëpërshkrim

Asllan Dibrani: Zyrtarisht u përkujtua tre vjetori i pavarësisë se Kosovës në Shtutgard

E diele, 20.02.2011, 08:57 PM

Zyrtarisht u përkujtua tre vjetori i pavarësisë se Kosovës në Shtutgard nga institucionet e Kosovës

Nga Asllan Dibrani

Pikërisht sot u bënë tre vjet qe u shpall shtet në vete Kosova, ku një gjë e këtilla u organizua edhe para tri vitesh në të njëjtën kohë kur veç në Kosovë ishte duke u përgatitur shpallja zyrtare.Këtu në të njëjtin shesh Mark Pllates në Shtutgard , atëherë u organizua në shesh të hapur ,ku i tubuam me mijëra veta, ndërsa tani edhe zyrtarisht u manifestua nga zyrtaret e Konsullatës së Kosovës në Shtutgard në sallën e bukur të shtëpisë se bashkisë se Shtutgardit në Mark Plats. Ishte një kënaqësi e veçante qe në ora 17.h e datës 17.02.2011 një orë ma herët sipas përcaktimit të mbajtjes së takimit në ora 18 veç kishin filluar të vinën qytetarët sipas thirrjes qe ju kishin dërguar Konsullata e Shtutgardit. Binin në sy qytetarë intelektual,njerëz të kulturës, artit , mysafir të ndryshëm, po edhe nga shumë ambasada dhe konsullata që i kishin ftuar për këtë manifestim sa madhështor, po edhe një prononcim pran të tjerëve me një pretekst të sensibilizohet opinioni i huaj përmes përfaqësuesve të vet qe i kanë përcaktuar në mes dy shteteve në marrëdhënie bilaterale me qëllim që shtetet që nuk e kanë njohur akoma shtetin e Kosovës , të nxitet edhe ma tutje qe sa ma shpejt të na njohin shtetin e Kosovës të pavarur dhe i çliruar nga okupatori serb. Në hyrje të sallës ishte bërë një pritje nga vet konsulli Faket Kajtazi,zëvendës konsulli Imer Lladrovci të shoqëruar nga një ekip organizatoresh,që shoqëronin mysafirët deri në vendin e uljeve etj .Pastaj minutat fillestar të takimit u shoqëruan me intonimin e himnit shtetëror të Kosovës po edhe të atij gjerman. Pastaj moderatorja Afërdita Shkreli pasi i përshëndeti të pranishmit dhe ju uroj trevjetorin e pavarësisë në foltore e ftoj zotin

Faket Kajtazi konsull në Shtutgard në fjalën e rastit

Faket Kajtazin Konsull në Konsultën e Shtutgardit i cili i përshëndeti të pranishmit duke ju falënderuar për pjesëmarrje si mysafirët gjerman po edha ata pjesëmarrës nga shtete te ndryshme që përkohësisht janë në cilësinë e ambasadorëve apo konsullatave të veta në Gjermani ,po edhe mysafiret shqiptare që kishin ardhur nga shumë vende të Gjermanisë për ta përcjell këtë ceremoni diplomatike të Konsullatës së Republikës së Kosovës në Shtutgard. Zoti Kajtazi foli edhe për zhvillimin dhe aktivitetin e Republikës së Kosovës po edhe për shënimin e kësaj date shumë të rëndësishme për popullin shqiptar. Një datë që Kosova u rreshtua në rangun e shteteve të pa varura dhe për rolin e saj në stabilizimin e rajonit në Ballkan.

Në skenë u ngjit zoti Kastriot Tusha njeriu i skenës shqiptare,tenor dhe një artist i rangut kombëtar i cili dha një program artistik krijoj një atmosferë në sallë ku u mbajt takimi dhe ma vone i shoqëruar edhe me pianisten Rudina Cikon dhe Suzana Frasherin Soprane që vërtet e entuziazmuan publikun duke i përcjellur shpeshherë me duartrokitje frenotike deri ne përfundimin e këtij programi artistik. Me disa punime artistike u prezantua edhe piktori i madh shqiptar Gjelosh Gjokaj i cili u mirëprit shumë mirë nga të pranishmit. Për hire të Pavarësisë së Kosovës Konsullata e lartpërmendur shtroj darkë për mysafirë dhe me koktej i uruan njeri tjetrit këtë datë të shenjte për popullin shqiptar .