Asllan Dibrani: Në Emmendingen të Gjermanisë me rastin e 100 vjetorit të lindjes së Nënë Terezës u hap ekspozitë artistike

Në Emmendingen të Gjermanisë me rastin e 100 vjetorit të lindjes së Nënë Terezës u hap ekspozitë artistike e krijuesve Shqiptarë

 

Nga Asllan Dibrani

 

Krijuesit e artit pamorë në mërgatë po japin një kontribut të çmueshëm në përhapjen dhe afirmimin e një pjese të kulturës shqiptare, sidomos të asaj që ka të bëjë me pikturën dhe skulpturën. Në këtë kuadër te kësaj , brenda muajve  të fundit në disa  qytete dhe shtete  të Evropës  dhe ma gjerë si në Gjermani, Zvicër, Itali, Britani   Austri ,Amerikë e gjetiu, ku jetojnë shqiptarët.

 

Në këto tubime janë shfaqur aktivitete të ndryshme kushtuar  figurës madhështore të Nënë Terezës ,një figure me përmasa  botërore, që përmes saj populli shqiptar po e identifikon veten  edhe pran popujve tjerë   për zemërgjerësinë ,kulturën , humanitetin dhe historinë  etj!

 

Takim Kulturo-Artistik për nder të 100 vjetorit të lindjes se Nenës Terezë

 

Grupi i krijuesve me rastin e pranimit të mirënjohjeve nga e majta Dr Vilson Mirdita, Dan Gashi piktor,Malë Myrtaj skulptor, Sokol Maloku piktor,Shkodran Tolaj tenor, Augustin Pepgegaj piktor,Asllan Dibrani piktor dhe Tahir Shabani përfaqësues i Shoqatës "Yjet e Kosovë"

Po ashtu u veprua edhe në Gjermani pikërisht në një qytezë regjionale, në rajonin e Freiburgut, në Emmedingen .Këtij takimi i paraprin me aktivitet organizativ  shoqata  "Yjet e Kosovës" e udhëhequr nga zoti Tahir Shabani. Prandaj  të pranishëm ishin Ambasadori  i   Republikës së Kosovës në Gjermani,  Dr.Vilson Mirdita, ku mbajti  fjalën e hapjes së këtij takimi . Me theks te veçantë e përshëndeti edhe hapjen e kësaj ekspozite  i falënderoj krijuesit e artit, po edhe të pranishmit të shtunën me 30 tetor . Në takim në shenjë rrespekti të 100 vjetorit te lindjes së Shenjtores së madhe Nënë Terezës. Në këtë Ekspozitë artistike  morën pjesë Malë Myrtaj skulptor,Dan Gashi,Sokol Maloku, Bukurie Dalladaku, Augustin Pergega dhe  Asllan Dibrani, piktorë.  Pjesëmarrjen e artistëve dhe krijuesve shqiptarë me rastin e hapjes se kësaj  ekspozite, e nderuan me pjesëmarrjen e tyre edhe personalitete të larta gjermane ,dhe e njëjta  do të jetë e hapur për vizitorë deri të shtunën më 6 nëntor 2010.

 

Ishte një ekspozitë e veçantë, nga njerëz te artit  qe përmes  brushës dhe talentit  të tyre  paraqiten shumë dimensionalen  abstrakte, po edhe të realizmit  në teknika të ndryshme .Vet  prezenca  e këtyre pikturave nga piktorët e lartpërmendur dhe skulpturave nga skulptori Malë Myrtaj  shprehnin një  gjuhë universale   të artit,   që fliste me  gërshetimin e shumë ngjyrave,  që flisnin  për etnitetin , për popullin  dhe grupe etnike autoktone, për historinë e kulturën e tyre të veçantë.

 

Të gjithë pa përjashtim i bashkon dëshira për të jetuar lirinë e lëvizjes së lirë, pa barriera e pengesa, për të shijuar lirinë e lëvizjes  se artit në një botë të lirë dhe të pakufi. Jo rastësisht kjo ekspozitë i sjell dhe i bashkon ata, i bën ata të barabartë në një hapësirë që duhet kaluar një herë e përgjithmonë, në një portë që duhet hapur një herë e mirë edhe për shqiptarët duke ju afruar  popujve të lirë .

 

Këtu ishin pikturat dhe skulpturat shumë domethënëse  me një kolorit  hije lartë  dhe dominonte ngjyra e ngrohtë e dashurisë qe disa prej tyre si motiv pamor kishin  pikërisht  Nënë Terezën  qe lanë mbresa edhe të publiku pjesëmarrës   dhe artdashësit   e këtij takimi. Për ti dhëne takimit një petk manifestimi edhe ma të denje në këtë tubim pjesëmarrës ishte edhe tenori ynë i shkëlqyer Shkodran Tolaj qe la mbresa te publiku.

 

Publikime mbi historinë e të madhes Nënë Tereza

Ekspozita në një kënd të Sallës

Sokol Maloku,Dan Gashi dhe Augustin Pepgegaj piktor

Pjesëmarrës ne takim ishin edhe Martin Çuni Kryetari Lidhjes se Shkrimtarëve dhe Artistëve Shqiptarë në Gjermani të shoqëruar nga Hasan Qyqalla dhe Asllan Dibrani anëtar të kryesisë.