Demir Krasniqi: Përshëndetje bastarde

PËRSHËNDETJE BASTARDE

Herë në rrugë , herë n’ celularë ,

Ende ka disa të marrë ,

Që nuk njohin gjuhë standarde –

Përshëndesin n’ gjuhë bastarde !

Njëri  n’ rrugë më  thotë :

“Selamun Alejkym!”

Unë ia kthej :

-Aleksa e Selamiu  kanë vdekur !

Unë, s’e  ha sallamën , as lejlekun ,

Se mbi  kokë e kam plisin

Dhe mbi gjoks jelekun !

Tjetri në odë më thotë :

“Merhaba !”

E unë ia kthej :

-Jo, unë barë nuk ha !

Ti, merr e ha barë ,

N’ daç n’ livadh ,

N’ daç nën hambar –

Ku kullosin shumë gomarë !

Tjetri n’ derë t’ oborrit

M’ përcjell me:

 “Hosh  gëlden”!

Unë ia kthej :

-Jo, për besë, nuk kam legen !

Gjilan, më 01.08.2010.     Demir KRASNIQI