Poezi nga Engjëll Koliqi

Engjëll Koliqi

 

 

NDËRMJET FLUTURAVE TË BARDHA

 

Me mbretëreshën e fatit

Mes fluturave të bardha

Në pranverën e jetës së re

Filluam me aktin e parë

Dhe vazhdojmë krenarë

Edhe të lumtur

Procesin e bekuar

Të dashurisë

                        Garlate (Lecco), 1 qershor 2010

 

FRYTE DASHURIE

 

Buzëqeshja e mirëfilltë

Gatishmëria për veprim

Dhe solidariteti njerëzor

Në ditën e sotme

Gjatë tërë stinës

Nëpër vite

E në shekuj

Deri në amshim

Janë fryte

Dhe vlera

Të dashurisë

                        Garlate (Lecco), 1 qershor 2010

 

ÇMIMET

 

Nëpër shekuj

Sot

E në amshim

Janë vula meritash

E të dashurisë shembullore

Për mua e mbretëreshën

Për të gjithë aktorët e dashurisë

                        Garlate (Lecco), 1 qershor 2010

 

MES KALTËRSISË SË QIELLIT E TË DETIT

 

Sa bukur

Shkëlqimi ynë

I këndshëm

Dhe i dëshirueshëm

Nga të gjithë

Me të bekuarin emër

Teorik dhe praktik

Të dashurisë

                        Garlate (Lecco), 1 qershor 2010

 

ME MERITË TË FATIT

 

Ne jemi këtu

Padronë

E protagonistë

Të fronit të dashurisë

                        Garlate (Lecco), 1 qershor 2010

 

TË VËRTETAT

 

Janë komponente

Të pashmangshme

Dhe gjithmonë të këndshme

Në sistemin tonë

Të dashurisë

                        Garlate (Lecco), 1 qershor 2010

 

SKAJEVETË DËSHIRAVE

 

Edhe në këtë stinë

Ndodhë që

Mendime të këqija

Ziejnë e vlojnë

Edhe shprehen haptas

...

Qëllimi përfundimtar

Cili do të jetë

?!...

                        Garlate (Lecco), 1 qershor 2010

 

NË FLETËN E BARDHË

 

Shumë gjëra shkruhen

Me ngjyra të ndryshme

Mjerisht

Edhe me të zezën

Historia len shenjat e saj

Dhe vazhdon

...

                        Garlate (Lecco), 1 qershor 2010

 

ME NJË FJALË

 

Unë edhe mbretëresha

Thërrasim shekujt

Dhe historinë

Aktualizojmë besën

Fronit mbretëror

I japim

Zjarr dashurie

                        Garlate (Lecco), 1 qershor 2010

 

MBI VLERAT

 

Seç fluturojmë

Me mbretëreshën

Çdo ditë

Në të gjitha stinët

Në vite e në shekuj

Edhe në amshim

Me të vërtetën e madhe

Që del

Nga zjarri i dashurisë

E pjekur

Dhe e farkuar

-

Gëzuar!

                        Garlate (Lecco), 1 qershor 2010

 

MBAS TYMIT...

 

Ç’të presim tjetër

Pos zjarrit të vërtetë

Në procesin e bekuar

Të dashurisë

?!...

                        Garlate (Lecco), 1 qershor 2010

 

NËPËRMJET FJALËS

 

Historinë pasurojmë

Me shumë rrëfime

Dashurinë dhe besën

Madhërojmë

Në çdo shekull

Edhe në amshim

!!!

                        Garlate (Lecco), 1 qershor 2010

 

NË KARAKTERIN TONË

 

Që nga fjala e parë

Në çdo rrëfim

Dhe në të gjitha betimet

Ngjyra bese ka

Dhe vulë dashurie

...

Kur themi njëherë PO

Nuk tërhiqemi më

Edhe duke pasur në rrezik

Kokën e jetën

-

Ka pasur gjithmonë

Ka

Dhe do të ketë

Besë e dashuri

                        Garlate (Lecco), 1 qershor 2010

 

ME TËRË FUQINË SHPIRTËRORE

 

Nisim vallen e gëzuar

Të viteve triumfale

Në këtë shekull të madh

Të dashurisë

-

Amshimin po e shohim

Dhe e kemi të garantuar

                        Garlate (Lecco), 2 qershor 2010

 

SOFRA E VJETËR

 

Shumë e pasur

Me ushqime shpirtërore

Të traditave të shenjta

Plot fjalë të mëdha

Rrëfiume e betime

Plot besë e dashuri

Kjo sofra e vjetër

Iliriko-dardane

                        Garlate (Lecco), 2 qershor 2010

 

SECILI KA PËRGJEGJËSI

 

Në çdo storie të jetës

Edhe n’udhët historike

E në derën e dashurisë

Të gjithë duhet

Të jemi të përgatitur

Dhe t’i marrim përgjegjësitë

E kopetencat që na takojnë

Secili për gjithçka të angazhohemi

Të gjitha sfidat t’i tejkalojmë

Me plot suksese

Dashurinë ta kurorëzojmë

                        Garlate (Lecco), 2 qershor 2010

 

PA KËRKESA

 

Kemi hyrë

Dhe jemi

Në misionin e dashurisë

Me peshë të madhe

Dhe me përgjegjësi

Të sigurojmë sot

E gjithmonë

Mirëqenie të njerëzve

Në shpirt

E në jetë

Me besim

Dhe me dashuri

                        Garlate (Lecco), 2 qershor 2010

 

DËGJOJE KITARËN TIME

 

O mbretëresha e mrekullive

Ndal njëherë

Dil nga vallja festive

Dhe dëgjoje kitarën time

Me ritme t’ëmbëla

Të besës

Dhe të dashurisë

-

Kjo kitara ime

E bekuar

Vetëm për ty tingëllon

-

Dëgjoje!

                        Garlate (Lecco), 2 qershor 2010

 

BRENDA NDËRRIMEVE

 

Për fatin tonë të mirë

Ndjenjat po zgjohen

Dhe po hyjnë në vallen e bekuar

Të dashurisë

                        Garlate (Lecco), 2 qershor 2010

 

KONFORM NEVOJAVE

 

Na është dhënë froni

Në besim

Dhe ecim përpara

Deri në amshim

Me vlera të larta

Të dashurisë

                        Garlate (Lecco), 2 qershor 2010

 

PËR PAK KOHË

 

Shumë obligime

Dhe përgjegjësi

Na presin

Në shekullin e mbretërisë

Prandaj

Me të lumen mbretëreshë

Në vallen shkëlqyese të festës

Do të jemi për pak kohë

Duhet të fillojmë

Me të bekuarat akte

Të dashurisë

                        Garlate (Lecco), 2 qershor 2010

 

UDHËS SË ZEMRËS

 

Hyjmë

Me rregulla dashurie

Dhe marshojmë përpara

Me plot vullnet

Pistave të mjaltit

Duke ndjekur mrekullitë

Nga stina në stinë

Nga viti në vit

Nga shekulli në shekull

Deri në amshim

                        Garlate (Lecco), 2 qershor 2010

 

ME TRADITAT TONA

 

Në çdo hap

Vëjmë një vulë

E lëmë një gjurmë

Të së mirëfilltës dashuri

Arbërore

-

Nuk ndalemi prore!

                        Garlate (Lecco), 2 qershor 2010

 

GJATË VULOSJES

 

Në këto rrethana

Të ndërlikuara

Të stinës vendimtare

Të jetës

Me të lumen mbretëreshë

Çdo gjë vulosim

Me mjalt të bekuar

Të dashurisë

Dhe

I hapim përspektiva të reja

Historisë

                        Garlate (Lecco), 2 qershor 2010

 

MBAS KRIZËS

 

Ngadalë

Marrim veten

Dhe fillojmë ta shfrytëzojmë

Deri në fund

Këtë të bukurën stinë

Të dashurisë

Kurora mbretërore

Na jep fuqi

Dhe ëmbëlsi

Me rreze të mrekullueshme

Dashurie

                        Garlate (Lecco), 2 qershor 2010