Asllan Dibrani: Arrestimi yt është rrugëtim drejt lirisë

Asllan Dibrani

Arrestimi yt është rrugëtim drejt lirisë

Në ditën e pranverës

Bashkë me fillimin e beharit

Dhe ligjëratat në universitet

Pushtuesit ma dhunuan  djepin

Duke kërkuar t’ma burgosnin

Ëndrrën time për liri

Mu në ditën e fundit që në çerdhe

Me shokët e vetëdijes ulesha

Dhe shpupurishnim zjarrin e diellit

Që me rreze të na ngrohte shpirtin

Kur ma morën Skënderbeun

Bashkë me librat e ndaluara

Dhe këngët e Jusuf Gërvallës

Mysafirët e pa ftuar

 E tremben qytetin tim

 I trembën zogjtë e natës

Qe kuvendonim me orë të tëra

Tek flatrat hapnin për erë mëngjesi

Edhe nëna mbeti krahëhapur

Pa mundur të ma puthte ballin

Pa mundur t' ma thotë një lamtumirë

Po me një cicërimë dashurie tha

Bir – nuk të rrita për ta

Derisa dëgjonte urdhëresën serbisht

Që edhe ata flisnin shqip puthadorët

Dhunshëm  më larguan në errësirë

Dhe tek më largonin për në terrin e pa rrugë

Dëgjoja zërin e saj n’krahëror  t’më gjezdis

Dhe me krenari tha

Arrestimi yt është rrugëtim drejt lirisë