Ukshin Zajmi: Arvanitçe

Arvanitçe

(Me rastin e përkujtimit të 24 Qershorit të vitit 1944)

Nga Ukshin Zajmi

Mos më quaj

Arvanit

mos më fol arvanitçe

-se na ndëgjon muri

në kokë godet guri!

Jam arvanitas

me emër tjetër

s’kam guxim

të flas siç flet mëma

-se më numërohen kockat

e më ripet lëkura.

Te përzenët

-të vrarët,

-të masakruarit:

-gra, pleq e fëmijë

nuk duhet t'i numëroj:

-se në vendin tim

pastaj,

s’mund të qëndroj.

Varret e t’parëve

i shëndrruan:

-në fusha sporti,

-pishina noti,

-në plehërishte

për të mos lëvizur eshtrat

se levizin termete!

Boçarin

e Bubulinën...

i bënë për vete

-me rrena

-e tradhti.

Arvanitasi i përzënë

i gjallë

s’mund t’ kthehët

në t’vetën shtëpi.

 Vëllëzërit nga gjaku

karshi djersën ma shohin

heshtin e heshtin

sikur nuk më njofin!