Mahmut Agalliu: Avaze te vjetra gjuetie

Mahmut Agalliu

 

Cikli :Avaze te vjetra gjuetie

 

 

Mellenja

 

Mellenje e zeze e sqepverdhe

me ty ndeshesha shpeshhere

ti ne meze te shijoje

babai ne cipal te shkonte

me kripe e miell te ferkonte

lezetin me shume ta shtonte

ty ulliri te shijonte

dhjamin ne trup ta shtonte

dege me dege kur fluturoje

shoqet e tua kerkoje

gjahtari kete kerkonte

qe fisheket t'i harxhonte

kur s'isha ne moshe per cifte

nga une te mira nuk kishe

lakun me fill kur e ngreja

ty prej gryke te mbertheja

cicerimen ta degjoja

vija te merrja e s'te coja.

 

 

Turtulli

 

Dale e pa dale mire prilli

fillon te vije muhaxhiri

hem iken e hem vjen

se harron vendin ku len

beharin e preferon

kurse dimrin se duron

kur fillon te vije tetori

perseri mblidhet i gjori

kush e mor vesh se nga mori

por edhe ketu kur eshte

rralle ta ben zoti peshqesh

se dhe ne dege kur qendron

syri-dylbi te shikon

si felleza s'te afron

qesqin shpend eshte i gjori

kemba nje here balte s'i mori

ndaj gjahtari kenges ia mori

grum-grumbulli ne leme

rrinte turtulli ne kembe

dy kembet e turtullit

ne gryken e kungullit

hante grure ne grumbullit

pinte uje ne kungullit.

 

 

Fuga

 

Ti moj fuga verdhacuke

gjithe kokrrat e fikut nduke

dege me dege fluturoje

kokrrat me sqep i cpoje

vehten tende e zbuloje

nga gjahtari rralle shpetoje

ti i shikoje per shije

por kjo pune s'te pati hije

i zoti i fikut te mjere

vajti me shporte per ta vjele

po, kur hipi c'te shikonte

kokrra e fikut kullonte

sacmja kur e cponte

shenja shume nuk dallonte

por dhemballa e kuptonte.

 

 

Per derrat

 

Per derrat qe shkrova

nuk bera dallim

ata nje emer kane

qe te gjithe e dine

nje dite ne Vojak

pothuajse erdhem me nate

ne shi e ne vetetime

sikur ruanim kufine

ne dite te tilla gjahtarit

s'i shkon puna per se mbari

por kur gjuan mire zagari

s'ka pse ti shmanget gjahtari

ti si derr i madh qe ishe

qen e zagare nga pas i kishe

nga Vojaku ne Zgerbonje

kur u ktheve re ne lak

si teku ne Malinat

Ylviut rrugen ja mesove

me dy gryka u rrezove.

 

 

Ne Picar

 

Ne Picar per lart ne mal

u ngjitem dalengadale

duke shoqeruare zagare

ndonje felleze per te vrare

por kur vajtem lart te sheshi

zagari ne lepur ndeshi

s'mu durua ,e qellova

lekuren shpejt ia nxora

me uje bore e freskova

ne hell shkoze e shkova

permbi prush e rrotullova

kokerr kripe nuk i hodha

kur filluam e preme e ndame

sado pa kripe e pa dhjame

dot shijen nuk ja shame

rritur ne mal pa barine

mishi arome trendeline

vecse ndjeja sekelldine

kur s'kisha vere e rakine.

 

 

Thellezes se malit

 

Ti moj thelleza malore

njehere nga fjala s'me dole

aty ku te lashe vjet

erdha te gjeta sivjet

deshiren me shume ma shtove

per nje tufe zogj qe nxore

rreth vehtes i grumbullove

tabiatet ua mesove.

ty lum kush te ka kismet

je e bukur tere lezet

pale kenges kur ja merr

te rinon edhe nje here

une per ty shume here dola

dhe me pallto te mbeshtolla

te gjalle dot ne dore s'te hodha

edhe kur ngrinte debora

ti nuk ngrije si shaptorja

ti e veshtroje cobane

kur nga bora braktis stane

zbriste dhente poshte ne lendine

me ty prapa si femine

ketu qe qejfi i gjahtarit

qe bridhte prapa zagarit

dhe shpresonte te fermonte

kur ty afer te diktonte

te qellonte e s'te rrezonte

inatin me shume e shtonte.

Per ty gjahtaret e mjere

s'kane qene te gjithe snajper

oh sa fisheke kane harxhuar

nje felleze per te rrezuar.

Nuk e di c'te detyron

sa ndahesh kengen fillon

e ne qente shurdh zagari

ty te degjon gjahtari.

Kaq trime je moj lumemadhe

s'ke frike nga gjahtari fare.

Te isha dhe nje here i ri

prape do te vija te ti

nga Tomorri ne Trebeshine

nga Goliku ne Muzine

nga Cajupi ne Mal te Gjere

ne Salari shume here

te hidhesha ne pasarele

per te xha Selami i ndjere.

 

 

Ne stan

 

Ne Dhemblan per felleze vame

fat qe u gdhime ne stane

pime qumesht e fjetem ngrohte

enderronim endrra kot

sikur mbushnim cantat plot.

Por ne mengjes kur u ngritme

thame te fillojme shpejt gjuetine

kush guxoi te dale ne dere

s'te linte Murrua i mjere.

Ai sikur qe betuar

mysafir per te kafshuar

pothuaj ore te tera vane

sa merziten dhe cobane

qe si vinte dot hallkane.

Murros kur 'pendet' i rane

filloi me shoket davane

zvarre i hiqte neper stane

pordhet si' katjushka' u vane

sa edhe Tafili i shkrete

thoshte:c'eshte ky qamet.

 

 

Ne Dhemblan

 

Shtate gjahtare me gjashte zagare

dy dite u nisen per ne mal

bora vendin e kishte zbardhe

me pak ne fushe e me shume ne mal

Dhemblani shume mal i gjere

aty shume felleze ka lere

kete e dinte gjahtari

por duhej gdhire te stani

te boshatisej gjerdani

dhe kjo pune nuk mungoi

kasollja i grumbulloi

dhe i la sa rane ne gjume

shpertheu flaka pa furtune

u dogj kashta edhe cizmet

thelleza gjashtembedhjete

dhe kepucet mark alpin

qe Kristua i kish ngarkim.

 

 

Arapit

 

Te guri i madh mbi mone

arapin ujqerit e cane

cobani kur e kujtoi

lotet mbi faqe i rane.

s'ben me bucja si arapi

qen i rralle ne keto ane

shume here e shpetoi kopene

me ne fund ja gjene manane

u mblodhen shume egersira

- ta bejme pre arapin -thane.

 

 

Dhelpres

 

O moj dhelpra gushebardhe

c'te te mollois me pare

per dimer a per behare

ti gjithmone nje avaz kishe

neper fshat u telendise

ti nuk lypje por guxoje

pulat nga pema rrezoje

po kur hyje ne qymez

ngadale e serbes-serbes

dhe merrje kendesin e gjore

qe kish te madh kraherore.

Ty lekura kur te shkonte

gjahtari shume te kerkonte

zagar per ty verseliste

qe gjah tjeter te mos ngiste.