E hene, 18.11.2019, 07:03 AM (GMT)

Kulturë » Kozeta

Këze Kozeta Zylo: Sytë e nënës

E premte, 11.03.2011, 08:57 PM


E lumtur midis prinderve, Takim pas 8 vjetesh, Tirane 2005

 

Këze Kozeta Zylo

 

 

Sytë e nënës

 

Streha ime, strehëz e ëmbël,

Erdha sonte nëpër ëndërr,

Aromë mora tek saksitë,

Sytë e nënës m’u bënë dritë…!

 

Hapa portën me ngadalë,

Dhe në gjunjë rashë përdhe,

Një këngë labe e pikëlluar,

Më prishi ëndrrën, për atje.

 

E rrënqethur, me vrap çohem,

Vetull e hënës mbi nënkresë,

Aty qëndroi gjersa u ktheva,

Besnikja ime, sa të vdes.

 

 

Lulemëllagat

 

Ja ku erdha përsëri,

Mezhgorani im,

Dhe u ula në gjunjë si fëmijë,

Para portës sime të drunjtë!

Në vetminë përpirëse,

Preka lulemëllagat

E shumëngjyrshme,

Të vetmet që lulëzojnë cdo vit!

Ato çelin nga dashuria e nënës sime,

Dhe shpirtëzojnë sendet që s’preken më,

Nga askush…!

Në virgjërinë e luleve të kopshtit,

Enden ëngjëjt përreth,

Ndërsa gonxhet e trëndafilave,

Gjithë aromë,

Ulin kokën,

Dhe duken sikur thonë:

“Mos na prekni”!

Nga se tashme u mesuam vetëm…

Vetem me vesitjen e shpirtit,

Të nënës sime, ATJE…!

 

Mezhgoran, Tepelenë, 2008



(Vota: 4 . Mesatare: 4/5)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT