Kastriot Dervishi: Ndalimi i largimeve me forcë

Në foto largimi me forcë i popullsisë çame nga Greqia në Turqi, sipas marrëveshjes së Lozanës e 30 janarit 1923. Ky proces u ndal pasi qeveria shqiptare e drejtuar nga Ahmet Zogu protestoi dhe bëri veprimet e duhura, në mënyrë që shqiptarët e Çamërisë të mos konsideroheshin turq në shkëmbimet turko-greke. Ndalimi i këtij shkëmbimi ishte tërësht meritë e shtetit shqiptar, sidomos e diplomatëve: Mehmet Konica, Mit'hat Frashëri, Benoi Blinishti, Pandeli Evangjeli, etj.

I ngarkuari me punë i Greqisë në Durrës, Janis Kokotakis, iu përgjigj letrës së kryeministrit A.Zogu se shteti i tij e pranonte propozimin për verifikimin e kombësisë së çamëve nga një komision ndërkombëtar. Procesi i shkëmbimit të shqiptarëve me grekët e Anadollit u ndal.