Gani Pllana: Kujtimet për ty

Gani Pllana

KUJTIMET PËR TY

(Sadetes, bashkëshortes sime)

Eh, kam shumë kujtime

Që kurrë nuk harrohen

Se si të shoqëroja shpesh

Deri te hyrja e Fakultet

Ku më humbje sakaq

Mes studentëve rrethuar kulpër

Pse të kishin pedagoge

Ishin edhe të lumtur

Na le të trishtuar

Fisnike kur ike

Vërtet po na mungon shumë

Ke lënë shteg të hapur

Të kujtojmë prore

Për veprat e mira-pa fund

Për familje e farefis

Mbi të gjitha të kujtojmë

Duke ligjëruar në tri universitete

Krenari për ne

Ishe dhe mbete!

U preka edhe unë si-poeti

Nga rrëfimet e studentëve

I falënderova nga zemra

Me dridhjet e trupit tim

Nga koka deri te thembrat

Vazhdova në rrugëtim

Diku për të gjetur ngushëllim

Unë i mbeturi

Përsëri jetim!

Por ç’i bëra unë

Zotit tim?!