E enjte, 28.03.2024, 08:09 PM (GMT)

Shtesë » Lajme

Shoqata 'Skivjani' në Zvicër investon në fshatin e vendlindjes

E diele, 07.04.2019, 09:29 AM


SHOQATA “SKIVJANI” ME SELI NË ZVICËR INVESTON PËR SHESHIN NË QENDËR TË FSHATIT TË VENDLINDJES

Shoqata “Skivjani” me seli në Zvicër, e cila në kuadrin e saj përfshinë mërgimtarët skivjanas të emigruar në Zvicër, Europë, SH.B.A. dhe vende të tjera, ka riaktualizuar veprimtarinë e saj në prillin e vitit të kaluar.

Pikërisht në përvjetorin e riaktualizimit të punës së saj, kjo Shoqatë ka marrë përsipër investimin e realizimit të plotë të Sheshit në qendër të fshatit Skivjan, të komunës së Gjakovës.

Mërgimtarët skivjanas të mërguar anë e mbanë botës si dhe qytetarë të tjerë me vlera humane, kanë kontribuar modestisht me anëtarësinë dhe donacionet e tyre si rezultat i së cilës ka ardhur edhe deri te konkretizimi i projektit për ndërtimin e Sheshit në qendër të fshatit Skivjan.

Realizimin e punimeve është duke e bërë ndërmarrja e mirënjohur “Letaj“, e cila ka premtuar dorëzimin me kohë të kësaj vepre me rëndësi jetike jo vetëm për fshatin tone, por edhe më gjerë.

Shoqata “Skivjani” në Zvicër, kryesia dhe strukturat e saj falenderojnë mërgimtarët skivjanas si dhe qytetarët e tjerë për kontributet e tyre në formë anëtarësie dhe donacionesh dhe u shpreh atyre mirënjohje të pafund.

Po ashtu një falënderim u shkon edhe strukturave të fshatit Skivjan, arkitektit, komisionit për mbikqyrjen e punimeve si dhe institucioneve ligjore të komunës së Gjakovës, të cilët kanë kontribuar me mbështetjen e tyre për realizimin e kësaj vepre.

Ndërtimi i sheshit ka filluar është në hovin e punimeve dhe pritet të inaugurohet me rastin e manifestimit të ditës së dëshmorëve dhe martirëve të fshatit Skivjan.

Shoqata  “Skivjani” edhe një herë u bënë thirrrje të gjithë mërgimtarëve skivjanas në të gjithë botën, të cilët kanë të ardhura të rregullta, që të bëhen pjesë e Shoqatës duke paguar anëtarësinë e përcaktuar nga Kuvendi i saj.

Projekti në realizim është vetëm fillimi i punëve të mira e të mbara për fshatin tonë. Shpresojmë fuqimisht në vlerat humane të qytetarëve tanë në botën e jashtme dhe jemi plot optimizëm se së bashku mund ta bëjmë fshatin tonë shembull edhe për fshatrat tjera të komunës së Gjakovës dhe më gjerë.

Shoqata “SKIVJANI”(Kryesia)

ZVICËR



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora