Neki Lulaj: Flokëgështenja ime

Neki Lulaj

Flokëgështenja ime

Para teje jam memec

S’di të hesht e s’di flas.

Kam në duar njëmijë fletë

Kam një zemër që po plas.

Kërkoj shtegun që të vij

Kërkoj fjalën që ta them

Ti je zanë në çdo burim

Ti je lumi që shpërthen.

Je flori i Dardanisë

Je anija që nuk ndalesh

Prush i nxehtë i dashurisë

Të shpërthen në trup petalet

Ti je vetë ëmbëlsia

Ti je hëna ti je dielli

Vjen në zemër kaltërsia

Kur shoh sytë e tu si qielli

Kur e vë buzën te gjiri

Edhe gusha nxjerr aromë

Ti je gonxhe trëndafili

Që i jep ballit kurorë.

Lumi unë kur t’gudulis

Buza puth si i harbuar.

Je burim i mëmësisë

Lule bjeshke e zbukuruar...