Demir Krasniqi: Dëshmori Ismet Mustafa

DËSHMORI ISMET MUSTAFA

 

Ndjeu gjithë  Shqipëria , ndjeu mbarë  Kosova –

Për Ismet Mustafën , trim nga Kumanova !

Si Ismet Mustafën , trim nëna nuk banë –

Ra dëshmor më 17 Prill 1999 !

 

Ushtari i lirisë , biri i Kumanovës –

Heroikisht ka ra n’ luftë për çlirim t’ Kosovës !

Heroikisht ka ra ushtari i lirisë –

Për çlirim t’ Kosovës nga okupatori i Serbisë !

 

Frymëzim për Ismetin , që t’ çlirohet Kosova –

Ishte Ismet Jashari – “Komandant Kumanova !”

N’ luftë kundër armikut me armë në dorë –

Në Kleçkë të Drenicës , kishte rënë dëshmorë !

 

Ai duke luftuar për liri t’ Kosovës –

Frymëzoi shumë të rinj e t’ reja t’ Kumanovës !

Frymëzoi t’ rinj e t’ reja , biri i kreshnikut –

Si duhet luftuar n’ luftë kundër armikut !

 

Nga  Ismet Jashari , ndër beteja t’ gjata –

Shumë  ishte frymëzuar dhe  Ismet Mustafa !

Kështu Ismet Mustafa , ithtarë për liri –

Merr rrugë të mundimshme , futet në Shqipëri !

 

Këtë rrugëtim Ismeti , e mori me vullnet –

Për t’iu bashkuar Brigadës 138 !

Brigadës që quhej “Agim Ramadani” –

Që t’i tregojë botës ,  si duhet vatani !

 

Ai , me  shokë  zhvillojnë përgatitjet ushtarake ,

Dhe ato që duheshin për sulme luftarake !

Pastaj luftëtarët me zemër t’ çelikut –

Do të hyjnë në fronte , n’ luftë kundër armikut !

 

Rrugët e thepisura ,  maleve t’ Shqipërisë –

Për Ismetin , s’ kishin kurrfarë vështirësish !

Dashuria ndaj Atdheut , edhe ndaj  lirisë –

E bënin t’ qëndrueshëm , trim të krenarisë !

 

Kishte moral t’ fortë , n’ probleme në fronte –

N’ momentet ma t’ vështira , këngës seç ia thoshte !

Kur kishte acare dhe kur kishte vapa –

Ismeti nuk dinte kurrë të kthehej mbrapa !

 

Vullneti , dëshira për t’ hyrë n’ tokë t’ Kosovës –

Ishin shumë të mëdha për trimin e Kumanovës !

Për t’ zhvilluar beteja në luftë me armikun –

Nuk  e trembte topi , trim Ismet kreshnikun !

 

Dëshira e tij ishte , që n’ luftë  të  bëjë nam –

Që armikut gjakatarë  më shumë t’i bëjë  damë !

Ai , bashkë me shumë shokë  trima , luftëtarë –

Luftoi  rreth kufirit shqiptaro – shqiptarë !

 

Nëpër shumë beteja dhe pas çdo fitore –

Gëzimi e krenaria i shtoheshin prore !

Për luftën e lavdishme të UÇK-së –

Ushtri  e  lavdishme n’ fronte t’ epopesë !

 

UÇK-ja jonë ishte çlirimtare –

Luftonte  armikun  me forca barbare !

Ëndrra e Ismet Mustafës ,  ishte shumë e madhe –

Liria e Kosovës dhe bashkimi i trojeve shqiptare !

 

T’ gjithë trojet shqiptare në një shtet unik –

T’ mos ketë çka t’ na bëjë kurrë asnjë armik !

Por , më 17 Prill 1999 –

Ëndrrat e Ismetit , t’ gjithë për toke ranë !

 

Gjatë  betejës n’ Koshare , n’ Rrafsh të Dukagjinit –

Ëndrrat  atdhetare , iu shkëputën  Ismet trimit !

Ai , n’ betejë t’ Koshares , luftoi trimërisht –

Ballë për ballë  armikut  ka  rënë heroikisht !

 

Aty gjaku i tij ,  që  rrodhi  si  lum –

Ujiti këtë tokë me një pikë gjak  më shumë !

Trupi i tij i ri , ra n’ altar  t’ lirisë –

Mbeti i pavdekshëm n’ faqe t’ historisë !

 

N’ faqe të lavdisë , gëzimi dhe hareja –

Vepra e tij , është  mësim për gjeneratat e reja !

Trupi i  dëshmorit nga luftërat e Kosovës –

Tash prehet n’ amshim , n’ Çerkez të Kumanovës !

 

Gjilan, më 12.03.2018.  Demir KRASNIQI