Nebi Dragoti: Z. kryetar, çiçi, çiçi...

Z. KRYETAR, ÇIÇI, ÇIÇI …

Fejton

NGA NEBI DRAGOTI

Reformën bëje, por mos prish punë,

ndryshe të dalin problem shumë…

Fëmia i vogël, mbajtur përdore nga nëna, ecte rrugëve të qytetit. I kërkoi nënës të bënte çiçin. -Mbaje, bir, mbaje, se ka nxjerrë urdhër kryetari dhe na vë gjobë. Ndalohet rreptësisht, se ndotet ambjenti. -Z. kryetar, çiçi, çiçi; nuk e mbaj dot. Ta bëj te beka!? Po kryetari ishte në zyrë dhe s’donte të dinte për problemet e qytetarëve në këtë drejtim.Vetë, atje ku punon ka tualet modern.Ai ka nxjerrë urdhër dhe të vë gjobë po të pa se urinon. Nga e keqja e ke, nuk ke ku e kryen dhe s’e mban dot.Fëmia i vogël i lagu të mathmet, por dhe ai i moshuari, më tej, me bastun, e sheh, u qull nga pas.Fëmia si duket e kaloi sikletin e të bërit të çiçit.Ehee, u dëgjua zëri i tij përsëri:- Mami, desha brry, brry! Brry i thoshte ujit për të pirë.- Kur të vemë në shtëpi, bir i mamit, - i përgjigjej ajo. –Brry, brry, z. kryetar! Eh, halle, halle, të sosur nuk kanë.

Mos përkeqëso të kesh sukses,

kur bën reformë, duhet kujdes…

-Medet, medet, ç’na ka gjetur me kryetarin! Jep urdhëra, bën reforma pa zgjidhur më parë problemet.Ndodh kjo, se s’do të harxhohet për të bërë banjo publike, wc si i thonë. Ndodh kjo, se s’do të harxhohet për të bërë çezme publike, sepse “ s’ka vendi ujë të pijshëm”. Vuan Shqipëria për ujë, de. –Pika që s’të bie, z. kryetar! Kryetari di të bëjë vetëm reforma, kur këtyre reformave nuk u zgjidhen më parë problemet sociale që mbartin.Lumë ne për kryetarin, për reformat e kryetarit.Reformëmadh e kemi.

Nuk  je i zoti të bësh reformë?

Mendoje mirë, më mirë hiq dorë…

Fëmia kur të rritet, do t’i kujtohet ç’ka hekur rrugëve të qytetit. I lutej kryetarit, por kryetari s’e dëgjonte.Do t’i kujtohet:- Çiçi, çiçi, ku ta bëj, zoti kryetar?! Dua brry, brry…