Demir Krasniqi: Malli për lisat e vendlindjes

MALLI PËR LISAT E VENDLINDJES

 

Aq sa i dua plisat –

Aq i dua edhe lisat !

Aq i dua pajat –

Aq sa i dua lisnajat !

 

Aq sa i dua qeleshet –

Aq i dua  bjeshkët !

Aq sa i dua valët –

Aq i dua malet !

 

Aq sa i dua gushat –

Aq i dua fushat !

Aq sa i dua lodrat –

Aq i dua kodrat !

 

As sa i dua plugjet –

Aq i dua lugjet !

Aq sa i dua grigjat –

Aq i dua brigjet !

 

Aq sa i dua trojet –

Aq i dua krojet !

Aq sa i dua delet –

Aq i dua zabelet !

 

Aq sa  e dua vëllain –

Aq e dua   ahin !

Aq sa e dua  torishtën –

Aq e dua ahishtën !

 

Aq sa e dua trungun –

Aq e dua bungun !

Aq sa e dua  malishtën –

Aq e dua bungishtën !

 

Aq sa e dua  frashrin –

Aq e dua qarrin !

Aq sa e dua barishten –

Aq e dua qarrishtën !

 

Aq sa e dua  oreksin  –

Aq e dua krekësin !

Aq sa e dua firajën –

Aq e dua krekësnajën !

 

Aq sa e dua plepin –

Aq e dua pjeprin !

Aq sa e dua sevdajën –

Aq e dua plepnajën !

 

Aq sa e dua rozën –

Aq e dua shkozën !

Aq sa e dua shkozishtën –

Aq  e dua gjembërishtën !

 

Aq sa e dua fierin –

Aq e dua vidhin !

Aq e dua firajën –

Aq  e dua vidhnajën !

 

Aq sa e dua Drinin –

Aq e dua Blinin !

Aq sa e dua sefajën –

Aq e dua blinajën !

 

Aq sa e dua verën –

Aq e dua  therën !

Aq sa dua therishta –

Aq dua bimë t’ brishta  !

 

Aq sa i dua kumritë –

Aq i dua kulumbritë !

Aq sa i dua   mbulojësat –

Aq i dua vojësat  !

 

Aq sa e logun –

Aq e dua gllogun !

Aq sa dua flegra –

Aq dua dardha t’ egra !

 

Aq sa dua mjedra –

Aq dua molla t’ egra !

Aq sa  dua  thekra –

Aq  dua   kajsi t’ egra !

 

Aq sa e dua rërën –

Aq  e dua tërshërën !

Aq sa e dua bregin –

Aq e dua elbin !

 

Aq sa e dua briskin –

Aq e dua misrin !

As sa i du’  zakonet e vjetra –

Aq i dua qershitë e egra !

 

Aq sa i dua klithjet –

Aq i dua vishnjet !

Aq sa i dua sumbullat –

Aq i dua kumbullat !

 

Aq sa i dua trungujt –

Aq i dua kungujt !

Aq sa i dua klimat –

Aq i dua vidimat !

 

Aq sa i dua belhollat –

Aq i dua mollat !

Aq sa i dua ftyrëbardhat –

Aq i dua dardhat !

 

Aq sa i dua arat –

Aq i dua arrat !

Aq sa i dua  dhitë –

Aq i dua lajthitë !

 

Aq sa i dua bahçet –

Aq i dua  konaçet !

Aq sa i dua pjeshkat –

Aq i dua vreshtat  !

 

Aq sa i dua  laprat –

Aq i dua lakrat !

Aq sa i dua  lerthat –

Aq i dua specat !

 

Aq sa i dua ullinjtë –

Aq i dua purrinjtë  !

Aq sa i dua qepët –

Aq i dua pjepnet !

 

Aq sa i dua hurdhat –

Aq i dua hudhrat !

Aq sa i dua kumbullat –

Aq i dua uthullat !

 

 

Aq sa e dua bostanin –

Aq e dua patilgjanin !

Aq sa i dua qirat –

Aq i dua kumpirat !

 

Aq sa i dua lulat –

Aq i dua pulat !

Aq sa e dua prushin –

Aq e dua rrushin !

 

Aq sa i dua konopët  –

Aq i dua lopët !

Aq sa i dua hardhitë –

Aq i dua dhitë !

 

Aq sa i dua bredhat –

Aq i dua edhat !

Aq sa i dua grigjat –

Aq i dua qingjat !

 

Aq sa i dua hijet –

Aq i dua kijet !

Aq sa i dua  sajt –

Aq i dua kuajt !

 

Aq sa e dua venin –

Aq e dua qenin !

Qeni është rojtar besnik –

Nuk lëshon brenda një armik !

Gjilan, më 04.08.2015.          Demir KRASNIQI