Nijazi Ramadani: Linditë Ramushi - Me sytë e ëndjes

LIBRI POETIK "ME SYTË E ËNDJES"  I AUTORES LINDITË RAMUSHI

NGA NIJAZI RAMADANI

Poezia e Linditë Ramushit vjen para lexuesëve mjaftë e fuqishme dhe me intenzitetin e botës që na rrethon njeriun tonë dhe,  është integruar emocionalisht dhe artistikisht e realizuar mirë.

"...Atëherë, do të ngjallem dhe njëherë nga ajo/ ngjizje/ në mes zjarrit dhe frymës/ sikur lind një dashuri...",  janë këto vargje

metaforike  në poezitë e Linditë Ramushit, e cila me një thjeshtësi të rafinuar parqitet para lexuesëve, duke shpalosur meditimin socoi-psikologjik përmes së cilës ajo artikulon përjetimet personale dhe njohjen me realitetin etno etik.

Në vargun e saj reflekton lëvizjet ritmike, imazhet, botëkuptimet, ngjyrimet metaforik, duke i thurur vargjet në një formësim fare të veçantë, e ka apostrofuar në fjalën promovuese shkrimtarja Albinë idrizi, dhe e ka mbarë shtruar individualitetin e saj krijues.

Linditë Ramushi me vëllimin e dytë poetik ”Me sytë e ëndjes” vjen para lexuesit me artikulim të qartësuar, vargu i saj të jep pastërti identifikues në krijimin e qartësisë fabulative si element që zotron takimin e së bukurës, të së magjishmës dhe së realës me motivimin e dashurisë, ajo realizon  botë të brendshme unike në kontestin aktual të përditshmërisë sonë. Ajo ka depertuar për mes ndjeshmërisë së saj në një botë të brendshme që mund ta kap shpirtin e fshehtësisë krijuese.

Kritiku, Prend BUZHALA,  e ka cilësuar të veçantë  poezinë e Linditës, e cila shprehet me një lirizëm të magjishëm thuret e ndërthuret në të gjitha çastet e jetës: edhe atëherë kur "PRITJA e gjatë shkurtohet me lumturimin e ardhjes, takimit, bashkimit... ", është një derdhje e rrjedhje emocionesh nëpërmes një lirizmi të këndshëm.Pos këtij vlerësimi në kuadër të "Vjeshtës letrare", kanë folur edhe Flamur Maloku, Nexhat Rexha, Izmi Zeka.

Lindita reflekton adhurimin, dëshirën, ëndrrën, fabulën në vargun e saj, duke arrirë të shpalosë botën e saj të magjishme ëndërrimtare përmes shprehjeve metaforike të veçantë dhe të figuracionit poetik me të gjitha me të gjitha profecitë e rrëmbimit idilik. Linditë Ramushi e ka formësimin e jashtme dhe të brendshme duke ie vënë gishtin tregues në plagën, që  që kullon, në këtë zjarr, arrin të gjejë barin shërues, me të cilin shpalos psikikën e dëshiruar poetike dhe reale.

Gjuha e pasur poetike portretizon figurshëm simpatinë ëndërrimtare, duke sjell në vete gjeturi dhe çiltërsi me efektin e mëvetësisë së modalitetin estetike deri në përjetimin më të mundshëm poetik, dhe e arrin me mënyrën e shprehjes artistike  efektin e dëshiruar në përceptimin e tërësishëm të këtij vëllimi poetik.Linditë Ramushi në vëllimin e dytë poetik ”Me sytë e ëndjes”, i ka përfhirë rreth 55 poezi, duke ia shoqëruar edhe vlerësimet e recensionistëve të saj.

Linditë RAMUSHI - u lind më 18.12.1984 në Gjilan. Shkollën e mesme e kreu në Gjilan, në shkollën e mesme të mjekësisë “Dr. Asllan Elezi”, profili pediatri. Studimet universitare i kreu me sukses në Fakultetin Filozofik, dega Psikologji. Përmbledhjen e parë me poezi e nxori në qershor të vitit 2004, me titull “Mos hesht”, botuar nga shtëpia botuese “Ura”. Veç poezisë, autorja është edhe opinioniste e rregullt e temave me natyrë socio-psikologjike në gazetën e përditshme “Zëri”, shpeshherë edhe në gazetën tjetër ditore “Epoka e re”. Së fundi ka sprovuar veten edhe në fushën e kritikës letrare. Ky është vëllimi i dytë i saj me poezi, i titulluar “Me sytë e ëndjes”. Autorja është e shpërblyer me vendin e dytë në festivalin e poezisë, “Takimet e Poeteshave Shqiptare 2011”, në Vushtrri. Së fundi është përfshirë në antologjinë me poezi “Lotët e virgjër”, të botuar në Londër nga gazetari e shkrimtari i njohur, Fatmir Terziu. Krijuese nga Ars Clubi “Beqir Musliu” në Gjilan si dhe pjesë e redaksisë së revistës letrare "AGMIA" .