Kulturë
Demir Krasniqi: Festa e Vitit të Ri
E merkure, 04.01.2012, 08:33 PM
FESTA E VITIT TË RI
Nënë e babë, motra e vëllazëri ,
Nipa , mbesa e kurbetçi ,
Janë mbledhë s’ bashku pleq e t’ ri –
Ta festojnë Vitin e Ri !
Ngritin gotat e gëzimit ,
Zgjedhin fjalët e urimit ,
Njëri – tjetrin përqafojnë ,
Këngë e lot s’ bashku vallëzojnë .
Zemrat mbushur me dëshira ,
Me urimet ma të mira –
Për një vit plot dashuri ,
Plot shëndet e lumturi !
Për një vit me shumë gëzime ,
Plot suksese e përparime !
Për një vit t’ lirisë e t’ paqes ,
T’ harmonisë edhe të kënaqjes !
Për një vit ma të shëndetshëm ,
Për një vit ma të suksesshëm ,
Për një vit ma të hareshëm ,
Për një vit ma t’ bereqetshëm !
Për një vit ma të begatshëm ,
Për një vit ma të kënaqshëm ,
Për një vit pa vajë , përleshje ,
Për një vit me këngë , buzëqeshje !
Për një vit pa fëmijë t’ uritur ,
Pa njerëz t’ varfër për punë duke pritur !
Për një vit me jetë të mbarë ,
Të mos ketë kurrë n’ rrugë lypsarë !
Për një vit ku nuk prekë hilja ,
N’ harmoni ku rron familja !
T’ prijë e mbara , t’ ju prijë fati ,
Sa ma larg prej taksirati !
Na i sjelltë Zoti gjithë të mirat ,
Na i plotësoftë të gjithë dëshirat !
Na priftë fati e shëndeti ,
Ardhshin t’ mirat si valë deti !
Demir KRASNIQI
Gjilan, më 01. 01. 2012.