Jusuf Zenunaj: Urimi i Hanko Hallës

URIMI I HANKO HALLËS

Sot Hanko Halla u zgjua  e gëzuar

për Qeverinë  Thaçi radhët që ka ndërruar,

uron Hashimin  me fjalën ma të mirë

edhe nata t’i bëhet ditë me diell ,

që zgjodhi  ministra  mëshkujt ma të mirë.

Kush është ma i zoti se doktor Bukoshi

as në Gjermani nuk i gjindet shoqi .

Fondin e popullit udhëhoqi me mjeshtri

nga vajtën milionat veç ai di.

.

E sa për kulturën nuk dyshoi dot,

Luten e kemi biolog,

për hallet e kulturës  mos i hyni n’hak

ua ka zanat fjalëve si me qenë plak.

Për teatër, film e letërsi

Teoria  e Darvinit në punë mund t'i hyjë,

me muzikë tashmë i është mësuar veshi,

sikur dallëndyshet me valë deti.

Doktori tjetër, Bajram Rexhepi

pa mantil të bardhë

i gaçshëm për ndihmë të parë

për policë , ministra e qeveritarë.

Jusuf Zenunaj,3 prill 2010