Sevdail Hyseni: Ndihma shtetërore!

Satirike

Ndihma shtetërore!

Qytetarët presin në radhë me ditë,

Për një qind euro ndihmat Kovid'!

Pritjet stërgjatën n'rreshtat pa fund,

Sportelet bankare, s'duken askund!

Shpërthejnë furishëm zërat për besë,

Kur prishen radhët bëhen pikë e pesë!

Ndërhyn policia për të vënë qetësi,

Turmat e trazuar t'i kthej në terezi!

Nuk kalon dita,  pa pasur skandale,

Nga ndihmat që bien erë elektorale!

Pa masa mbrojtëse maskë e dorezë,

Do t'kthehet Korona për faqe të zezë!

Të mjerë janë "ata" e na dalshin fare,

Që e keqpërdorin skamjen qytetare..!

Sevdail Hyseni

(Karikatura e përpunuar, marrë nga interneti)