Demir Krasniqi: Aktakuzë për trafikim organesh

Parodi :

AKTAKUZË PËR TRAFIKIM ORGANESH

Gjykata Ndërkombëtare n’ qendër të Roganës –

Do t’ ngritë Aktakuzë për Trafikim Organesh !

I pari n’ Aktakuzë ,  është Durmishi i Dulës –

Ka bërë trafikime me organe t’ pulës !

I dyti n’ Aktakuzë , është  Çahili i Çelit –

Ka bërë trafikime me organe t’ gjelit !

I treti n’ Aktakuzë , është  Martini  i  Gjergjit –

Ka bërë trafikime me organe t’ qengjit !

I katërti n’ Aktakuzë , është Sallahi  i  Selës –

Ka bërë trafikime me organe t’ deles !

I  pesti  n’ Aktakuzë , është  Braha i  Bradashit –

Ka bërë trafikime me organe t’ dashit !

I  gjashti  n’ Aktakuzë , është  Kasami  i  Kasapit –

Ka bërë trafikime me organe t’ cjapit !

I shtati n’ Aktakuzë , është Cani i  Çabiçit –

Ka bërë trafikime me organe t’ viçit !

I teti n’ Aktakuzë , është Ferati i Logjës –

Ka bërë trafikime me organe t’ lopës !

I nënti n’ Aktakuzë , është  Toma i  Gaxherrit –

Ka bërë trafikime me organe t’ derrit !

I dhjeti n’ Aktakuzë , është  Zefi i Micit –

Ka bërë trafikime me organe  t’ gicit !

I njëmbëdhjeti n’ Aktakuzë , është Mahmuti  i Shefkut –

Ka bërë trafikime me organe t’ peshkut !

I dymbëdhjeti n’ Aktakuzë , është  Sylejmani i  Hetës –

Ka bërë trafikime me organe t’ bletës !

Gjilan, më 25.05.2017.        Demir KRASNIQI