Vritet Nezir Golaj në Londër

(Londër, 8 korrik 2010) Sot pak para orës nëntë të mëngjesit është vrarë Nezir Golaj (45 vjeç), anëtarë i respektuar i komunitetit shqiptar në Britani. Ai ishte duke u nisur për në punë nga shtëpia e tij kur u qëllua me armë zjarri, deri sa ishte brenda makinës së tij, afër rrugës Hendon Way në veri-perëndim të Londrës.

Sipas burimeve të pakonfirmuara gruaja dhe vajza e tij e kishin gjetur trupin e pajetë të të ndjerit dhjetë minuta më vonë, deri sa vajza e tij po shoqërohej për në shkollë nga e ëma.

Kjo vrasje ka shokuar miqët, të afërmit, kolegët dhe gjithë komunitetin shqiptar në Londër e më gjërë, sidomos kur dihet se Neziri ka qenë një njëri punëtor, mjeshtër ndërtimi, biznismen i suksesshëm dhe mjeshtria e tij është e njohur edhe në qarqet e VIP-ave të Holywood-it me banim në Londër dhe personave tjerë të pasur të Anglisë.

Policia ka bllokuar rrugën në të cilën gjendet shtëpia e të ndjerit kurse detektivët e Scotland Yard-it po hulumtojnë rastin dhe po kërkojnë dorasin apo dorasët. Ende nuk dihet për motivin e kësaj vrasjeje dhe ende nuk ka arrestime. Familja e të ndjerit janë duke u trajtuar nga pasojat e tmerrit të sotshëm.

Çdo kush që ka informata, apo ka qenë dëshmitarë i kësaj vrasjeje mund të thërrasin Shërbimin e Policisë Metropolitane në 0300 123 1212 apo anonimisht në 0800 555 111.