Shtesë » Lajme
Debati për "Shkupi 2014", kush nga shqiptarët do të jetë në sheshin qendror
E enjte, 04.03.2010, 06:13 PM
Nga INA
SHKUP- Bustet e rreth tre apo katër personaliteteve historike shqiptare do të jenë në sheshin e Shkupit, si pjesë e projektit "Shkupi 2014". Lajmi jepet sot nga burime qeveritare, të cilët theksojnë se marrëveshja parimisht ka marrë dritë jeshile nga ana e Qytetit të Shkupit, por edhe nga kryeministri Nikolla Gruevski, në një takim të fundit me partnerin e tij të koalicionit Ali Ahmeti.
Në mediat e afërta me qeverinë, por edhe nga burime qeveritare konfirmohet se ndër propozimet më të përafërta për t`u vendosur janë personalitetet dhe atdhetarët shqiptarë Josip Bageri, Nexhat Agolli, Hasan Prishtina, etj. Mirëpo me propozimet e saj qëndron edhe Shoqata e Historianëve Shqiptarë në Maqedoni (SHHSHM).
Përfaqësues të kësaj shoqate theksojnë se ata janë më të interesuar për të vlerësuar se cilët personalitete historike ndërlidhen me historikun e shqiptarëve në territorin e Maqedonisë aktuale apo Shkupit.
"Ka shumë figura dhe ne kohë më parë në adresë të Ministrisë së Kulturës dhe Parlamentit dorëzuam 100 emra me personalitetet historike shqiptare këtu", ka theksuar për agjencinë e lajmeve INA kryetari i shoqatës së historianëve, prof.dr. Nebi Dervishi.
Ndër figurat që tanimë ka marrë dritën jeshile për t`u vendosur është Nexhat Agolli, ministri parë i Maqedonisë pas pavarësimit të saj në vitin 1945, i cili nga SHHSHM konsiderohet si një personalitet dhe atdhetar i shquar i historisë më të re shqiptare.
"Nexhat Agolli e ka meritën, ai ishte një patriot dhe kombëtar, që u pushkatua më 28 prill 1949, pasi kishte kërkesa dhe vizion të palëkundur për kërkesat e shqiptarëve në Maqedoni. Ai ishte zëvendëskryeministër i parë, ministër i drejtësisë, themelues i gazetës Flaka dhe Radio Shkupit", ka theksuar historiani Dervishi, duke shtuar se Agolli u pushkatua në mënyrë mizore në sheshin e sotëm të Shkupit. Ndër propozimet e tjera që dalin nga shoqata e historianëve janë edhe: Jashar Beu- prefekti i parë i Shkupit në kohën e Lidhjes së Prizrenit, Azem Morana, kreu i lëvizjes NDSH në Shkup, gazetari dhe shkrimtari Jashar Erebara, deputeti i shquar Nexhip Draga, Nikolla Bojaxhiu, babai i Nënës Terezë, i cili u helmua në vitin 1918 nga regjimi serb, Isa Boletini e Bajram Curri që janë të lidhur me historinë e Shkupit dhe shumë emra të tjerë.
Siç bëhet e ditur, partia shqiptare në pushtet BDI po zhvillon takime intensive me krerë të institucioneve dhe shoqatave të specializuara lidhur me gjetjen e figurave më të përshtatshme që janë sinonim i Shkupit. Gjitha emrat e propozuar janë në skaner të partnerëve të koalicionit dhe mbahen në heshtje, derisa të marrin dritën jeshile në kuadër të komunës Qendër të Shkupit.
Nga ana tjetër, edhe Lëvizja "Zgjohu!" kohë më parë dorëzoi pranë komunës Qendër propozimet e saj për ngritjen e busteve dhe përmendoreve për personalitetet historike shqiptare, ndër të cilat ishin edhe emrat e Adem Jasharit, Ismet Jasharit-Kumanova, Ibrahim Rugovës, Isa Boletinit, Hasan Prishtinës dhe emra të tjerë të historisë shqiptare. Gjatë ditëve të ardhshme pritet edhe seanca e bllokuar në këshillin komunal të komunës Qendër, ku në rend dite pritet të jetë propozimi për "Burmali Xhaminë" si dhe propozimi i "Zgjohu!" për personalitetet historike shqiptare.
Kisha dhe xhamia - anashkalohen nga axhenda
Ndërtimi i xhamisë "Shën Konstantini dhe Elena" si dhe propozimi i shpalosur për ndërtimin e "Burmali Xhamisë" janë hequr nga agjenda e projektit "Shkupi 2014". Kjo bëhet e ditur për agjencinë e lajmeve INA nga burime qeveritare, që bëjnë të ditur se këto objekte të kultit për momentin do të hiqen nga agjenda.
"Nuk është në axhendë edhe kisha dhe sigurisht do të shkohet në propozimin që të mos ketë objekte të kultit në shesh. Ky sugjerim sërish ka ardhur edhe nga ana e zyrtarëve evroperëndimor nga Brukseli, të cilët tentojnë të ulin tensionet krijuara ndërfetare, që u ngritën me futjen në planin urbanistik të kishës në kuadër të komunës Qendër, ndërsa u përjashtua xhamia", ka theksuar zyrtari i lartë i Qeverisë.
Komentoni
Artikuj te tjere
Xhamisë së Marinës i vihet dryni - Arrestohet imami Duka
Prifti grek kerkon eshtrat e ushtareve
Saga e Marinës
Vatikani: Jo kishë mbi themelet e shtëpisë së Nënë Terezës
Komuna e mbyll xhaminë e Marinës
Sulmohet faqja e Qendrës Kulturore Shqiptare ”Migjeni”
Besnik Bardhi: Të rrëzojmë tezën serbe të prof. Radovanoviq
Paqja fetare, dhuratë e shqiptarëve Europës
Lëvizja Fol: Raporti i verifikimit të deklaratave 20 shkurt 2010
Shtabi i emergjencës në diasporë pér ndihmë zonave të përmbytyra ne veriun e Shqipërisë dhe në Ulqin
Kairo: 17 shkurt 2010
Milazim Kadriu: Dy vjetori i Pavarësisë së Kosovës u festua anekënd vëndit
Riorganizimi i mërgatës, kërkesë e kohës
Kryeministri Hashim Thaçi, mori pjesë në ditëlindjen e fëmijëve që kanë lindur Ditën e Pavarësisë së Kosovës
Zef Mulaj: Një tjetër marrveshje me probleme të mëdha për Shqipërinë
Mirela Bogdani: Më sulmojnë ekstremistët dhe fondamentalistët islamikë
Zef Mulaj: 25.134 persona të humbur në Itali
Regjistrimi mbi baza fetare, klerikët të përçarë
Formohet ''Lëvizja për Demokraci dhe Integrim (LDI)''
Milazim Kadriu: PDK shpall fitoren në Prizren dhe Lipjan