Idriz Zeqiraj: Presidentja Vjosa Osmani, me vendim korrekt kushtetues, shpalli datën zgjedhore

PRESIDENTJA VJOSË OSMANI ME VENDIM KORREKT KUSHTETUTAR, SHPALLI DATËN ZGJEDHORE

NGA IDRIZ ZEQIRAJ

Pas konsultimit me partitë politike, Presidentja mori propozimet datore të mbajtjes të zgjedhjeve të radhës. Për arsye të ngutisë të krijimit të organeve kuvendore dhe qeveritare data e lakuar, 21 janar 2026, përjashtohej. Duhej zgjedhur në mes të dy datave të mundshme: 21 dhe 28 dhjetor 2025. 8 parti preferuan si datë zgjedhore 28 dhjetorin, ndërsa 5 parti për datën 21 dhjetor, kurse 3 parti ishin dakord, për cilëndo datë.

Opozita PAN-iste, (PDK-AAK-NISMA), pretendon se "data 28 dhjetor është datë kompromisi politik apo vendim që favorizon një bllok të caktuar partiak, sepse shumica e partive të afërta me LVV-në preferonin, pikërisht, ketë datë!" Kjo demantohet nga palët të vënë nën akuzë të PAN-it, LVV dhe Presidentja.

Presidentja Vjosë Osmani është sa profesionale, aq edhe përkushtuar në detyrën e saj presidenciale. Matja në kohë, për përgatitjen zgjedhore solide, favorizonin të vetmen datë zgjedhore 28 dhjetorin. Andaj, vendimi i Presidentes është bindshëm i argumentuar për datën 28 dhjetor. Ndesh me vendimin e Presidentes bien, kryesisht, tri partitë kryesore të opozitës: PDK, AAK, NISMA, por edhe klani Mustafa, ndoca klanistë brenda LDK-së, të cilëve u pëlqen ta bashkojnë votën me PDK-në, si patericë e saj e hershme.

Megjithatë, përveç kundërshtive të zhurmshme dhe boshe, opozita PAN-iste nuk sjell asnjë argument bindës. Prandaj, nuk ka asnjë bazë logjike që refuzimi i 21 dhjetorit, si datë e preferuar zgjedhore e opozitës, të rrezikojë se ky vendim i Presidentes të interpretohet si ndërhyrje të saj në garën zgjedhore.

Mësuesi im i Shkencave Politike Juridike, Dega gazetari, në Universitetin e Tiranës, gazetari dhe shkrimtari Dritëro Agolli, na mësonte: "Kur të mungon fakti, mos e fillo shkrimin, sepse do të dështosh". Mendoj, se në mungesë të fakteve, dështuan në akuzën zëro të argumentuar, opozitarët të koalicionuar në PAN, përkatësisht, subjektet politike PDK, AAK, NISMA, plus dy partiza tjera minore.

Për hirë të korrektësisë ngushëlluese, më tepër se sa sfidë reale, për KQZ-së, sepse duhet punuar edhe në dy ditët festive, të ndërrimit të motmoteve, pra, të Vitit të Ri, Presidentja e bashkë ndjenë kufizimin në kohë, për ta gëzuar festën në familje, qoftë të anëtarëve të Komisionit Qendror Zgjedhor, si dhe të komisioneve numërues dhe verifikues të emrave të votuar, një përgjegjësi shtetërore dhe morale, për çdo njeri të angazhuar në procesin zgjedhor.

Megjithatë, në botë janë miliona njerëz, të cilët Vitin e Ri 2026, e presin në vendin e punës, si ushtarakët, policët, punëtorët në Kombinatet madhorë botërorë, që punojnë -non stop-, pandërprerë, 24 orëshe, ditë e natë. Rasti është një përjashtim aksidental, të imponuar nga një bandë politike mujshare, përkatësisht, krerë dhe eksponentë të kriminalizuar, të cilët janë të organizuar në parti politike, me klientelë të paguar elektorale, siç janë shumë -mijëra anëtarë të nëpunësve shtetërorë, mijëra anëtarë të organizatës ilegale kriminale të SHIK-ut, si dhe 45.500 veteranëve të rrejshëm, gjithashtu, pjesë elektorale e PAN-it kriminal.

PAN-i është refuzuar nga shqiptarët, për krime dhe hajni.

Mbijeton me klientëlen abuzive elektorale

Shtrohet pyetja, a është marrë ky vendim, duke rrezikuar integritetin logjistik të procesit, vetëm për të kënaqur një shumicë relative të partive?

Përgjigja duhet të jetë e argumentuar dhe qind për qind (%) e saktë: Dihet mirëfilli se gjysma e popullsisë është larguar nga Kosova, punon e jeton në Mërgatë, që nga veriu i ish-Jugosllavisë, Kroaci dhe Slloveni, të shteteve ane përtej Evropës, e deri në Amerikën dhe Australinë e largët. Dhe, kur themi se gjysma e popullsisë të Kosovës jeton jashtë saj, atëherë kuptohet se shumësia e familjeve në Kosovë, i kanë anëtarët e tyre në Mërgatë.

Edhe një argument shtesë se 28 dhjetori është data ideale e zgjedhjeve për mërgimtarët e përbotshëm: Sepse festat e Krishtlindjeve janë me 25 dhe 26 dhjetor në botën e krishterë, ku punojnë dhe jetojnë, kryesisht, mërgimtarët tanë. Njerëzit e mbyllin ditën e punës në pas ditën e 24 dhjetorit. Zakonisht, pushimet vazhdojnë deri në datën 2 të Vitit të Ri 2026.

Bota e besimit të krishterë, në shtetet e tyre, zakonisht, u kushtojnë rëndësi të veçantë kremtimit festiv të festave fetare të Krishtlindjeve. Dhe, fillojnë përgatitjet e zbukurimit qysh në nismë të dhjetorit. Dhe, menjëherë pas kalimit të 1 janarit, me 2 janar njerëzit fillojnë ditën normale të punës. Prandaj, mërgimtarët kanë një mundësi, të paktën, 1 javë të lirë, për ta shfrytëzuar rrugëtimin familjar me veturë, apo avionë, edhe pse biletat janë me çmime tmerruese.

Pra, ata që nuk preferojnë datën 28 dhjetor, kanë ndjesi të çoroditur njerëzore, në emër të llogarisë në numra votues të ndonjë partie, që siguron me shumë vota nga Mërgata. Dhe, kjo është moralisht e lëndueshme dhe turpëruese, sepse thyen mijëra zemra të përmallshme të mërgimtarëve për Atdheun-Kosovë.

Opozita PAN-iste, përkatësisht, krerët dhe eksponentët e saj, të cilët janë dëshmuar, madje edhe konfirmuar, me gjyqe vendore e ndërkombëtare, për krime vrastare, hajni zyrtare dhe kontrabandë miliardeshe me "Listën Serbe". Për ketë janë shpallur 16 persona -non grata" dhe të tjerë, ende të pashpallur publikisht, nga DASH amerikan. Të gjithë komandantë të policë të subjekteve të PAN-it, anëtarët të thekur të SHIK-ut. Nga ky soj i shpëlarë moralisht e njerëzisht, nuk mund të pritet asgjë e mirë dhe njerëzore.

PAN-i, përkatësisht, PDK, AAK, NISMA, kanë nuhatur humbjen e tyre në garën me votë demokratike, në raport me LVV, po sponsorizojnë terrorin e rrugës, me protestime të ndryshme, duke shfrytëzuar vonesën e ndarjes të buxhetit, edhe pse fajtore është opozita, si bllokuese të zgjedhjeve të organeve kuvendore dhe qeveritare. Profesor Enver Bytyçi, e ka trajtuar si shqetësim serioz, se "paralizimi i transportit publik është rast unik, që rrezikon paqen sociale dhe stabilitetin e Republikës të Kosovës. Prokuroria Speciale të nis urgjentisht hetimet, si akt terrorist". PAN-i ngulmon në trazira sociale, deri në përgjakjen e Kosovës. Ata duan të rikthehen në pushtet, qoftë dhunshëm e përgjakshëm.

Me keqardhje, ketë gjendje po e favorizon edhe heshtja fatale e forcave demokratike në Kosovës dhe sidomos Sistemi i kapur i Drejtësisë. Terrori duhet parandaluar, para se krimi të këtë ndodhur. Andaj, nxitësit e trazirave, me qëllim të përgatitjes të terrorit, duhet goditur me izolim e ndëshkim, bandën kriminale, që ka filluar përgjakjen e Kosovës, me fillimin e vrasjeve të kundërshtarëve politikë, qysh gjatë luftës, për të vazhduar më hajninë zyrtare dhe kontrabandën industriale, pikërisht, me Listën Serbe pas luftës. Me këtë pasurim kriminal, PAN-i, edhe pse pa pushtet real aktualisht, vazhdon ta sundojë Kosovën, duke sponsorizuar krimin dhe kriminelët.

Edhe tej një çerek-shekulli, opozita mëkatare, nuk donë ta kuptojë se pushteti fitohet me votën e lirë demokratike dhe assesi me dhunë e metoda terroriste, me anë të organizimeve artificiale, të protestave të porositura partiake.