E merkure, 21.02.2024, 11:56 AM (GMT)

Kulturë

Meti Rexhepi: Një piknik me Rushitin

E enjte, 21.09.2023, 06:42 PM


NJË PIKNIK ME RUSHITIN*

Meti Rexhepi

Rushitin mos e ha në sy

ashtu si e sheh të hajthëm

se këmbët e mbajnë  thellë-thellë

në tabanët e Tij

Ai kudo që hedh hapin

në betejat e pabujshme ngre lart lapsin

mund ta shohësh të rrëzbitur

nuk e shërojnë barnat e shpifur

por metaforat

fushës Tij harlisur

ku nuk i hyri syri

i hyri metafora e mendimi

fushave e maleve plis-bardha të stilit Tij

haset denduria e lulediellit

Rushitin mos e ha në sy

se të përpijnë metaforat e detit Tij

përse nuk e pyete Rushitin

si e kapërceve gjysmë-shekullin e kënetës

me mizëri mushkonjash thith-gjaku

e vulat e vurratave në ballë

t`i shohësh akëcilët pas tharjes së moçalit

si kishin ngelur në baltën e gjallë

Atij nuk iu zmadhua barku

nën shënjestra harku

më tepër se kopertinat

që hapin e mbyllin madhështi

që hapin e mbyllin shëmti

në stivë librash  Rushitit  lypja  shpirtin

*Shkrimtari Rushit Ramabaja

Gjilan, më 20 shtator 2023



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora