Demir Krasniqi: Ruaje këngën time

Demir KRASNIQI:

RUAJE KËNGËN TIME

Moj vendlindja ime ,

Trungu i djepit  tim –

Ruaje këngën time ,

Që ta lash kujtim !

Ruaje këngën time ,

Për jetë e për mot ;

Se nga zemra ime

Ta kam thurë me lot !

T’i këndova lisat ,

T’i këndova therrat ,

T’i këndova dimrat ,

Po edhe pranverat !...

T’i këndova bujqit ,

Livadhet , zabelet ...

T’ i  këndova ujqit ,

Që t’ i ngrënën delet !...

T’i këndova plugjet ,

Arat dhe kortarët !

T’i këndova  lugjet ,

Krojet dhe  kosëtarët !...

T’i këndova varret ,

Trimat dhe të parët ,

Odat dhe hambarët ,

Shkollat  dhe shkollarët !...

T’i këndova vuajtjet ,

Skamjet , varfërinë ...

T’ këndova bujtjet ,

Sofrat  , bujarinë !...

T’ i këndova t’ vjetrit ,

T’ i këndova t’ rinjtë  ,

T’ i këndova delet ,

Fyejt  dhe barinjtë  !...

T’i këndova dasmat

Mbushur plot me krushq ,

T’i këndova nuset

Me qerre të kuqe !...

Gjilan, më 26.05. 2013.