Kulturë
Ullmar Qvick: Koha moderne
E hene, 04.06.2012, 09:57 AM
Nga Suedia...Ullmar QVICK:
KOHA MODERNE
Velot e mistikës së lashtë u grisën në kohën moderne...
Vajza e Valëve në estradë këndon ”Ring Ring” dhe ”Gimme gimme”.
Ismail Qemali shkoi në Bruksel për bisedime në Bashkimin Europian,
Por udhëtimi i tij përfundoi në Waterloo...
Dhe gjuha mbushet me Lux, Mix dhe Sex
Larg, shumë larg Manastirit linden kopilet.
Gjergj Elez Alia dergjet që nëntë vite përpara kompjuterit
I braktisur nga motra, e cila merret me argëtimin e turistëve...
Xhuxhi dhe shkurtabiqi grinden keq në parlament!
Zana lexon përalla për fëmijët në bibliotekë
E shtojzovallet kanë hapur një institut masazhi.
Është koha e varfërisë së vërtetë
Më e rëndë se koha e skamjes, urisë!
Esat Pasha dhe Enver Hoxha u bashkuan në tregun e drogave,
Dhe thurin plane për zhvillimin e islamizmit terrorist!
Nga malet dëgjohet zëri i një fyelli
Në dorën e bariut të fundit malësor...
Maj 2012