Ali Sh. Berisha: Kthenani

Ali Sh. Berisha

Kthenani

(Nuk dua të sqaroj më shumë,

sepse dua dhembja të marrë fund)

Pse qëlloni varrin e qetësisë që kemi

Çfarë doni që sërish tutje na shpjerni

Larg shtateve tona që në dhe prehen

E si më 21 prill ta ngjallni dhembjen

Kthenani aty ku ishim e bënim mortë

Në prehërin e tokës së nënë Mihrisë

Kthenani se atje me lule na vijnë vizitortë

Pranë lapidarit t’dhembjes e tragjedisë

Nëse na pandehni koka të pa emra

Atëherë ju themi se jemi Marec e Shalë

Se s’dallonim nga forma e as nga zemra

Na vendosën si një trup në një varr

Kthenani aty ku ishim e lotë mos ndillni

Që në rafte numra të ri të mos pillni

Ne s’jemi enigmë as varr i pa emër

Tutje kemi dy trupa e këtu një zemër