Poezi nga Sokol Demaku

Sokol DEMAKU

LUNDRA IME

Notoj në thellsi uji

Lundroj në msheftësin e detit

Udhëtoj në errësirën e natës

Fluturoj në krahët e ylberit.

Fluturoj si shqiponjë

Dhe dukem  në rrëpirë

Kërkojë përrallën

Që nuk arrijë ta di.

Kërkoj foton e ëndërres sime,

Me krahët e mi në fluturim

Por trupi i mekun

Krahët e mi nuk përballojnë këtë.

Udhëtoj mbi thellësit e detit

Në errësirtën e mesit të natës

E me të zbardhur agu

Me flakë e zjarrë në krahëror.

Kur unë mora përgjigjen time

Se mund të jem në perqafimin tend

Besojë se ludnra ime

Do ankorohet në gjirin tend.

HIJA E JETËS

Hija e jetës më përcjellë

E errët në horizont

Por ylli pran yllit shëndrit

Dhe jetës i jep dritë.

E ndjej mallin e natës

Në detin e ëndërrave te mia

Ku shpirti  im notën

Në përmallim.

Noton lundra ime e  pa trazuar

Drejtim ka botën e panjohur

Por shpirti im ka mall

Në afshin e pashuar.

Tutje mbi detin e kaltër

Udhëtoj dhe unë

Dhe perfundimisht arrita të jem

Që shpirti yt të jetë afër shpitit tim.

TI

Ne krijuam keto fytyra

Dhe këto shpirtëra

Nga ndjenja,

Por, pa afërsi.

Duhet të jemi vigjilent

Nga fërgëllima

Që nuk lëshon,

në marrje
Nuk guxojmë të biem

nga drita në errësirë

kur zemra flet, por,

ktheu këtu për herë të fundit.

Unë të lus

Për të fundit herë,

Edhe sot e kësaj dite

Që të jem pjesë e jotja

E puthjeve të zjarrta

Përkundër pytjeve

Të ditës që vjen.

Unë shfaqem

Kur jeta gati zgjohet

Nër duart tua të ftohta

Nga një ëndërr në rënje e sipër.

I marrë nga uja

Si ujku në mal

I tharë nga etja

Si zalli në shkretirë

Dhe e di se është tepër vonë.

ZGJATMA DORËN VËLLA

Zgjatma dorën vëlla

Se koha ka rdhurë

Ta harrojmë mërinë

Ta kultivojmë dashurinë.

Zgjatma dorën vëlla

Së bashku të marshojmë

Ardhmërinë e fëmijëve

Së bashku ta ndërtojmë.

Zgjatma dorën vëlla

Kthjellu, eja në vete

Koha e intrigave

E ka bërë të vetën.

Zgjatma dorën vëlla

Hynë në valle

Eja me ne edhe ti

Se këtu ke të ardhmen.

EJA

Eja më afër

Le ta dëgjoj zërin tend

Eja më afër

Të ndjesh ndjenjat e mia

Të ndjesh aromën time.

Eja më afër të lutëm

Te të shprehë ato

Për ty.

Eja më afër

Lëvizë afër meje

Se unë dua që të jem

Në ty dhe për ty.

VRULLEM

Lëshoje hovin

Le të shkoj

Me duket se

Koha ishte

Që unë të besoj

Se unë mund

Të qendrojë

Se dua të jem

Ai që duhet të jem.

Lëshoje vrullin

Afshi ta përbijë

Le të jem i yti

Deri në pasi.

Vrullem si i cirrun

Nga etja për ty

Do jem fitimtar

E ndjej këtë dashuri.