Rrustem Geci: Milli dhe uji

Rrustem Geci, poemë nga libri, “Milli dhe  uji “

 

 

HIMNI I DHEUT

---------------------

 

poemë për gjenocidin në Tivar

 

Ai muaj ishte  mars, ishte  prill

Ai vit ishte  1945. Në  vend  të

fitores , Kosova doli e humbur

35 mijë regrutë  të  pushkatuar

dhe mijëra të tjerë  të burgosur

 

Këtu një  kufomë, aty një tjetër

dhe një  tjetër ,.. dhe  një  tjetër,..

dhe  një  tjetër,..o zot,  me  mija,..

djem të Kosovës  të pushkatuar

djem të Kosovës  të  masakruar

 

Për  atë  kasaphane ç´njerëzore

Tivarin pyes, ku ishe ti në mars

Kur vëllëzërit o Tivar t´u vranë

8785 djem e burra  të  Kosovës

Kosovës iu masakruan në Tivar

  

2  )

-------------------------------------------

 

Koha mbetet lumë  i  pakthyeshëm

Ajo merr  e  s´ jep  nga vetja  e  saj

Këngë  gjaku  po  mbledhim  këtej

Se jeta pas vetes lë kujtime e plagë

 

Liri  e  pafituar , mos   më   mallko

Se  duar  e këmbë  i kam të lidhura

Fytyrën me  thika  ma  kanë  prerë

Kosovë, nga këtu s´vijë as i vdekur

 

Koha në Tivar  për mua ka ndaluar

Ata  po vrasin  s´i  t´ishim të korra

Nga xhelatët  edhe  krimi  rëqethet

Që   shifrat   t´ ua    japin   eprorve

 

A  ka  faj   Tivari   apo   prejardhja

Për   vrasjen   e    8785   regrutëve

Hej, edhe  dhimbjes  m´i  dalin lot

E gojës i merret fjala e nis  e  qanë

 

----------------------------------

 

Herak, jeta  nuk qenka  ajo

nga  ajo   që   përmendje  ti

të gjallët jetokan me zjarrin

e  ajri  me  ujin  dhe   tokën

 

Mbi  këtë plojë  si në horor

deti  përvajshëm  llapuçitet

vet  duhet  të  gjejë një varr

për trupin  tim  të  plagosur

 

Me   këto   plagë   në   trup

koha  do  të  mbaroj  shpejt

s´ më   ka  mbetur   as  çast

për të  jetuar  këtë  pak jetë

 

Këto  zorrë  njeriu në  duar

janë  paliria   e  vendit  tim

paliria e  mijëra  të  rënëve

që  Kosovën  ta  aneksojnë

 

4  )

----------------------------------

 

Në Siujdhesën  e  Ballkanit

Lumturia nuk zgjatë shumë

Njerëzit qeshin  shumë pak

Dhe vriten shumë mes vedi

 

Në Siujdhesën  e  Ballkanit

e kaluara është e pranishme

tek  të  gjithë  popujtë e saj

në çdo vakt buke bisedohet

 

Në Siujdhesën  e  Ballkanit

As  kujtimet  nuk  ndalojnë

Janë  shumë  të  palumtura

Edhe  kur  janë   të  fituara

 

Në Siujdhesën  e Ballkanit

Ballkani  jep  shumë  festa

Ai i  dha  2  lufta  Botërore

Dhe  disa  lufta  ballkanike

 

5  )

----------------------------------------

 

A kishte  faj  Udhëheqja Kosovës

për krimin në Tivar, themë se po

mobilizimin e regrutëve shqiptar

Shtabi  i  Kosovës  e  kishte  bërë

 

Krimi  në  Tivar  ishte  një  fillim

ai  vazhdoi pastaj në  Dubrovnik

vazhdoi në Likë, Sllavonski Brod

në  Nish, Beograd  dhe  Suboticë

 

Ç´po  ndodhte vall me Kosovën

qanin gjyshet dhe gjyshërit tanë

Kosova  na mbeti fare pa  djemë

pa burra për ta  mbrojtur vendin

 

Tivari  ishte  vetëm  një  varr

se varre të reja hapeshin çdo ditë

për ta dobësuar Kosovën, që

Kosova të mbetej serbe dhe nën Serbi

  

6  )

------------------------------------

 

Në  atë  rrugë  të  skëterrshme

Tivari ishte vetëm një therrtore

për  ta   dobësuar  Kosovën

Nga  kryengritjet  e  filluara

 

Krimi në Tivar mbetet i gjallë

sado që atë  e  varrosën thellë

në Tivar nuk ka  një  gur varri

për 8785 regrutë të pushkatuar

 

Nga Kosova  e  deri  në  Tivar

rruga ishte më keq  se  në varr

në atë  udhë  të  mundimshme

shumë nga  ne  vdiqën  rrugës

 

Mes plagëve dhe bajonetave

pashë në kllapi vajzën time

atë krijesë të bardhë si qumështi

që larg  meje  po  më  priste!..

 

7  )

--------------------------------------

 

Nuk njerizohet serbi xhelat

as Garashaninët, Andriçët, Rankoviçët

ata vranë gjithandej Toplicën

dhe regrutët tanë një nga një i therrën

 

Të pushkatuarit e  Tivarit thërarsin

që  të  gjallët  të  na  mbrojnë

dhe t´i mbledhin  pikat e  gjakut

se janë gjak i lirisë së Kosovës

 

Për këtë krim të Serbisë në Tivar

Kosova e Tivari duhet të ulurasin

në të gjitha kancelaritë e Evropës

që  t´i  bëhet  një  gjyq  Serbisë

 

Serbët me pamje  njeriut

Herët a vonë do përgjigjen

Për krimet mbi popullin tonë

për gjenocidin e padënuar

 

8  )

------------------------------------

 

Vrasës  ordiner ishin titistët

me partitë motra komuniste

ata vranë 35  mijë  shqiptar

për  të  aneksuar  Kosovën!..

 

Prejardhja  dhe  paliria jonë

Ishin   shkak  i  pushkatimit

fliste në zjarrmi  Alimaloku

pak çaste  para  se  të vdiste

 

Varr i Tivarit s´mbyllet këtu

i thoshte Preni  plagës së tij

ne po vdesim të  pavarrosur

dhe pa një ceremoni varrimi

 

Kjo këmishë gjaku do flasë

pse na pushkatuan në Tivar

që Serbia  të  dërgoj kolonë

mbi hipoteka të shqiptarëve

 

9  )

-----------------------------------

 

Besimi ynë  tek  komunistët

shih  si   na    ka   përgjakur

fliste   bari  i   kudondodhur

për plagën  e bërë  Kosovës

 

N´ atë plojë me varr e Tivar

disa   përpiqeshin   të  iknin

shumë u vranë  tek kriporja

pranë   detit   tek  llapuçitej

 

Serbët, me duar  të  xhelatit

Na lidhën  këmbë  dhe duar

E  mëpastaj  na  pushkatuan

me mija  djem  të  Kosovës

 

Plagën  që  ma  bëri  xhelati

nuk   më   vrau    menjiherë

fliste në jermi  UKZENELI

fliste me  nënën  dhe  gruan

 

10  )

-----------------------------------------

 

Në  palirinë  tragjike  të  Kosovës

në errësirën e një ploje  të  paparë

të pushkatuarit në Tivar, ishin gjak

i  shtetit  të ardhshëm të Kosovës!..

 

Ah, sikur të isha i lirë e pa pranga

të përjetshmin atdhe do ta mbroja

Me zemër  e shpirt do të vritesha

Për çdo pëllëmbë toke të Kosovës

 

Sa shumë urrejtje  paskan  shkijet

Me plumb i bien prejardhjes sonë

me qindëra janë gjysmë të vdekur

dhe pa peshën e dheut na varrosin

 

Ai njeri me  pamje  të  çuditshme

zorrët e  tija  i  mban  nëpër  duar

të qaj më thotë, s´më  lë  dhimbja

të flasë  fjalën  nuk  e  nxjerri dot

  

11  )

--------------------------------------

 

Historianë, studius, dramaturg

gjenocidi i padënuar serbë

bëri që të vritet  Toplica, Tivari

Drenica ,  Reçaku,.. Srebernica

 

Gjenocidi  i  padënuar  serb

Vazhdon me mendësinë e vjetër

se  krimin  mund  të  varroset

nëpër gropa të panumërta varresh

 

Gjenocidi serb mbi Kosovën

kurrë  nuk  do  të  vjetërohet

8785 të vrarë shqiptar në Tivar

Kërkojnë që Serbia të dënohet

 

Gjenocidi  i   padënuar   serbë

do përgjak sërish Ballkanin

me  lugën  e  tij  të drunjtë

nëse Serbia s´dënohet për gjenocid.

  

12  )

-----------------------------------

 

Në  këtë  Tivar  me  varre

Horoskopi thuaja s´egzistonte

Por të gjallët duhet të flasin

Për tërë atë  çka  ka ndodhur

 

Brendia  e  krimit  në  Tivar

Kujtoj se ishte prejardhja jonë

Gjuha shqipe,simbolet, flamuri

Dhe toka e pasur e Kosovës

 

Shtypja shumë na ka zhbërë

Vrasësit serbë edhe tani vrasin

Ata shtjejnë në të gjitha anët

Edhe pas një shekulli krimesh

 

Nuk shkulem duke më vrarë

Nuk shkulem duke më prerë

Nuk shkulem duke më rrafë

Jam popull që nuk shkulem!

 

13  )

 

--------------------------------------

 

Kosovë, ku i ke historianët, ata

që  duhet  ta  ngrejnë  zërin lart

pyesin nënat , baballarët, pyetë

Kosova, dhe të ardhshmit e saj

 

Këtu një  kufomë, aty një tjetër

dhe një  tjetër ,.. dhe  një  tjetër,..

dhe  një  tjetër,..o zot,  me  mija,..

djem të Kosovës të pushkatuar

 

Ah,  sikur   të  isha  pa   pranga

të përjetshmin atdhe do mbroja

me  zemër  e  shpirt do vritesha

për çdo këmbë toke të Kosovë

 

 

14  )

-----------------------------------------

 

Ky  hymën prushi  dhe  zemërimi

është himn  i  dhimbjes  së  dheut

është  gjak  i luftës dhe i  betejave

është  gjak  që  edhe  bën  zhurmë

Këtë hymën me  Tivar  e  me varr

do ta quaja  plagën  më të patharë

për të gjithë brezat e popullit tonë

Ky hymën  prushi  dhe  zemërimi

është  gjak  i  gjithmonshëm i yni

por, luftat  dhe  paliria e Kosovës

bën që liria  të  jetë  e  pakënaqur

Ky hymën  i  8785 regrutëve tanë

të  vrarë  të  lidhur  e  nën  pranga

edhe  fjalën e bën  të  qaj e uluras

por, kini durim;  ata do të zgjohen

posa  t´ i  mbushin   njëqind   vjet

ata do të ngrihen e do të flasin, se

ishin gjak i shtetësisë së Kosovës

gjak i njësimit dhe i përbashkimit

 

Rrustem Geci – Dortmund