E enjte, 06.08.2020, 06:18 PM (GMT+1)

Kulturë

Përparim Hysi: Përbindëshi

E merkure, 03.06.2020, 10:00 AM


PËRBINDËSHI

Nga Përparim Hysi

Është aq i shëmtuar,sa të shtie frikën

I etur për pushtet,sa sytë i kullojnë gjak

Ky shëmtaraq nuk pyet fare për etikën

Është fare pa moral dhe fyen pa shkak,

Kujton se është më i rëndësishmi mbi dhe

Dhe sikur ka lindur veç për të komanduar

Veteveten kur në pasqyrë e sheh:

-Si një mbret me fuqi të pakufizuar!

Veç ai ka tagër për të qeverisur

Ç'janë poshtë tij, janë veç numërorë

Ai të komandojë! Ata për t'u bindur

Se ky lloj përbindshi është"jashtëtokësor".

Është narcizist i kulluar

I pashoqërueshëm dhe i etur për pushtet

Bën veprime si i çekuilibruar

Është pervers dhe delikuent.

Kur qesh, sforcohet dhe sikur skërmitet

Për  të qarë ai? Po si mund të qajë përbindëshi?!

Këtij  paranojaku askush nuk i avitet

Dhe për ligësira, është më i neveritshmi.

Tiranë, 3 qershor 2020



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora