Zef Mulaj: Nën rrathët e lisit

NËN RRATHËT E LISIT

-Cikel nga libri “Lulet e shpirtit”, (poezi haiku)-

Nga Zef Mulaj

***

E kam pritur pranverën,

Me bukuritë e saj dehem.

Udhëve të Malësisë sime.

***

Një emër i ri përjetshëm,

Në të gjitha qelizat e reja.

Dashuria e parë e bardhë.

***

Maja e Hekurave

Hijon fshatin tim.

Nën rrathët e lisit.

***

I ri në shpirt dhe zemër,

Duke ecur ende solid.

Frymëmarrje afër meje.

***

Brohoritja pa pushim,

Me gishta shenjëzën.

Shiu zbutë hapësirat.

***

Retë pikojnë përjetimet,

Të ardhura nga planetët.

Turma emigrantësh vijnë.

***

Mbret të heshtjeve s’ka,

Pabesia në kohë prishet.

Malësori mbëlton lule.

***

Në rrjedhjet e kohëve,

Trëndafila bore të bardhë.

Akullnaja shpirtërore.

***

Nëpër dyer trokitje të vona

Zgjojnë heshtjen e dhimbjes.

Ceremonia vazhdon prapë.

***

Në ditarin e kohës tjetër

Ngjyra e kuqe shigjetë zbret.

Në buzën e ëmbël të nuses.

***

Flakadanë të ndezur atje,

Ndriçojnë horizonteve.

Flaka e freskon shpirtin.

***

Kohë dhe erë e hazdisur

Ndritë në zemra dashurie.

Filiza të reja në kopshte.

***

Udhëtari i bjeshkës me kujdes.

Vallet koreografohen ngadalë.

Mbi det varka valën përkëdhel.

***

Buzëqeshja e Dardhës së Hasit

Më buzëqeshi plot me bukuri.

Shqiponja zbriti nga Shkëlzeni.

***

Qielli u kthjellua nga retë,

Zëri i bilbilit sa fort jehon.

Dashuria shfaqet në shesh.

***

Në Lugjet e Verdha hapë krahë,

Bukuria rritet për ditë me hov.

Vashës i vlon dashuria në gji.

***

Natyra është mbretëreshë

E shpirtit tim këtu larg që rri.

Puthje nga Malësia më çon.

***

Shikimet më mbushën me afsh,

Rreze shpresash më përqafojnë.

Prej vendlindjes sime deri këtu.

***

Në fytyrën e mallëngjimit,

Portreti i dhimbjes më merr.

Peng të këtij shekulli të ri.

***

Dy kokat e shqiponjës,

Simbol i yni në flamur.

Rudinat freskohen prore.

***

Në çdo cep të Globit

Ajo shtrinë shikimet.

Erë e tokës e ringjallë.

***

Kufinjtë i anuloi moti i ri.

Rreze lulesh në Malësi.

Gjerdan i arit në agshol.

***

Shqipëria mbushur plot

Frymë të lirë, pa pengesa.

Krenaria ime, në zemër.