Fahri Balliu: Zoti Rama, me armiqësitë personale të Zerobazes, me 29 qershor pi ujin e Lanës

Mero Baze

Nga Fahri Balliu
 
- Edi Rama ndalon leximin e gazetës “55” në mediat e tij
- Do jepen detaje të reja për Zerobazen, që mbeti gjithë jetën Ba. Ko.

Prej dhjetë ditësh, Edi Rama, në krizë totale, në dështim të brendshëm partiak - dhe të jashtëm me të gjithë shqiptarët - ndalon leximin e gazetës “55” në mediat e tij. Për hir të së vërtetës, shprehim respektin tonë për gazetarin Bashkim Hoxha, që e ka lexuar 55-n edhe në 97-n, kur gazeta akuzonte bandat terroriste të armatosura komuniste. Dhe ja që erdhën ditë më të zeza, për shkak të monstrës partiake Edi Rama. Kjo monstër partiake, uzurpatore e PS-së, përfaqësues i kupolës së vjetër komuniste bllokmene dhe delfin i kanaleve më të zeza të moralit, dhe i lidhjeve mafioze kriminale, urdhëron ndalimin e leximit të gazetës në mediat që komandon. Mediat e tij botojnë përrallat e kriminelëve si Nexhmije Hoxha, hetuesve dhe banditëve si Dhimitër Beshiri, e sa e sa sigurimsave të tjerë, por ato nuk mund të përballojnë asnjë rresht me të vërteta të plota. Ai ndaloi intervistën time në një nga mediat e tij, edhe pse ajo u përgatit dhe kryeredaktori kërkoi botimin e saj. Iluzioni optik që ka zonjusha Rama e bashkisë, se do ta përpunojë opinionin me gënjeshtra dhe do t’i mashtrojë shqiptarët me titra lajmesh, është fakti më i hapur, më i lexueshëm i mungesës së projekteve dhe i një strategjie për punë të tij. Ai, si kopertinier, kujton se do të bëjë fushatë zgjedhore me gënjeshtra të ambalazhuara përmes marifeteve të montazhit mediatik. Ai po përdor nenin 55 kundër 55-s. E ka nga dëshpërimi, nga trishtimi? Por ta ketë të qartë se në ditët që vijnë jeta e tij do të zbardhet hap pas hapi, në detaje. Dhe atëhere do t’i duhet ta lërë këtë vend. Shqiptarët dhe socialistët, të cilëve po ua vë njësoj shqelmin në fyt, do të dinë t’i japin atë që i takon dhe që fatkeqësisht i është vonuar - çka do të quhej fundi i Edi Ramës. Kush dëgjon Zerobazen merr zeron vetë, se Bazja merr paret. I ngarkuar me mllefe, Zerobazja armiqësitë, zilitë, xhelozitë dhe tërë furtunën e komplekseve të misioneve dhe detyrave të tij të zeza po i shfryn tani mbi një bazë të re. Baza e re është Edi Rama, i cili përrallat e Zerobazes, armiqësitë e tij personale dhe shërbimet e tij të zeza po i përdor si flakëhedhëse mbi mazhorancën apo njerëz që punojnë për të. Zerobazja e ka shumë të qartë, që kur mashtronte nëpër tavolina se Fahri Balliu ka lidhje me Gërdecin aq sa ka ai me të mirën. Montazhi që Zerobazja bën, nga kjo shkresë tek kjo shkresë - ky tha kështu, ai tha kështu, pse kjo del kështu e ajo ashtu - është shumë joshës për trurin e Edi Ramës. Madje, Rama është akoma në fazën që i duket një zbulim ky njeri i frikshëm kur të hiqet si mik. Për këto arsye, Edi Rama nuk e kupton bashkë me perversin e vogël Veliaj, se po i jep Partisë Socialiste armiqësitë e Meros, dhe jo lëndë për situatë zgjedhore. Se çfarë u duhet socialistëve, që Meroja nuk e ka dashur ndonjëherë Fahri Balliun, këtë e kupton vetëm Edi Rama. Tezat e Zerobazes - e Drakulës së shtypit - nuk kanë asgjë të përbashkët me ligjin dhe normat njerëzore morale. Ajo janë shembulli më i zi, më antihuman, i paraqitur ndonjëherë me germa. Megjithatë, asnjë shërbim më i madh nuk i bëhet mazhorancës sesa kur një minë me sahat si Zerobazja e mban në tavolinë dhe mbi kryesinë e PS-së. Çdo orë dhe çdo ditë, me Zerobazen shkon drejt Lanës, për ta pirë më 29 qershor ujin e saj të mjelmët.
Rruga mbarë të qoftë, moj zonjushë e bashkisë.

***

Nga Gazeta 55
 
Dje fabrika shpifëse, gojëgërdeci Zerobaze mobilizoi pultin e radhës me gazeta e ekrane për të përhapur të tjera rrena. Kjo s’ka asnjë rëndësi, se e vërteta është aq e thjeshtë sa është e mbyllur dhe nuk ia mbërrin dot as edhe një gojëgërdec që të ndyjë moralisht njerëzit e ndershëm. Pastaj, do ketë habere të tjera që gojëgërdeci s’do mund ta hajë drekën me Edi Ramën pranë stadiumit “Dinamo” për të kuturisur sulme të tjera.

Çështja është më e thellë dhe më interesante për të gjithë ata që kanë pasur të bëjnë me këtë drakul të medias e të shtypit. Tashmë është marrë vesh se kur ai të mbron, të del në krah e të paraqitet si i joti, ai është momenti i frikshëm, ajo është drama që ai njeri shkakton. Të tërë të sulmuarit prej tij kanë qenë të mbrojtur moralisht dhe ligjërisht. Kurrë ndonjëri prej tyre, me argumentet e Drakulës nuk ka pësuar gjë, përkundrazi, ia ka ndalë mbanë të jetë mirë e bukur. Se kur të do dhe të mbron Zerobazja është si të flesh me nepërkën. Në këtë kuptim, taborri i banditëve, hajdutëve e spiunëve profesionistë që ka sot mbështetjen e Zerobazes janë të rrezikuar që nga ora në orë, çatia e Drakulës në vend t’i mbrojë, do t’i zërë brenda. Edhe privatisht, kur ka mbrojtur ndonjë njeri, qysh në atë çast, tjetri, në vend që të ndjejë siguri, ka ndjerë dyshim. Kurse, të sulmuarit e përdorin Zerobazen në vend të fenolftaleinës, se përmes saj dallojnë që janë në rregull me ligjin, me normat publike e me ato morale.

Kështu që, ndihna o Zot, të mos jemi në krah të Zerobazes, në ditët e mëpastajme dhe në vitet e mëpastajme. Se ka plot nga ata që me Zerobazen kanë rënë në praktikën që pasi i kanë ngulur thikat njëri-tjetrit, kanë nisur të riputhen. Kjo, ruajna Zot, është më e rëndë se gjithçka. Nga kjo s’të shpëton më as vetë Zoti, se është fiks si vajtja e deles së kafshuar pas ujkut.

Zerobazja mbetet Ba.Ko.