Blerim Latifi: Vuçiç, i përkëdheluri i Bashkimit Evropian, qëndron në krah të Putinit

Prof. Blerim Latifi:

Prej vitit 2012 ai ka qenë i përkëdheluri i Bashkimit Europian.

Investime të pafundme në Serbi.

Vendosje të Serbisë në krye të listës së vendeve të Ballkanit Perëndimor për integrim në BE.

Mbyllje të syve përballë faktit të rritjes së shpejtë autoritarizmit në Serbi.

Mbyllje të veshëve përballë veprimeve destabilizuese të Serbisë në Kosovë, Mal të Zi e Bosnje.

Diskriminim i hapur i Kosovës në dialogun e saj me Serbinë.

Mbështetje politike e financiare për farsën më të madhe të drejtësisë ndërkombëtare, të quajtur "Gjykata Speciale'".

Me pak fjalë: dhurata të pafundme për Serbinë. Me shpresën se këto dhurata do ta zbusnin bishën e nacionalizmit serb. Ashtu siç zbutet bisha në përrallën "E Bukura dhe Bisha". Po, bisha zbutet dhe transformohet në përrallë, por jo edhe në realitet. Dhe ja sot tek e shohim Vuçiqin në Moskë, përkrah Putinit dhe liderëve autoritaristë të botës, të bashkuar në ëndrrën për ta shembur demokracinë perëndimore dhe krejt botën e lirë.

_____________

Amerika paska negociu një armëpushim të menjëhershëm midis Indisë dhe Pakistanit.

Amerika është duke negociu paqen me të gjitha palët e armiqësuara në Lindjen e Mesme.

Me Rusinë dhe Ukrainën po ashtu.

Mbase dikur gjenë kohë edhe për ne!

Kështu është kjo punë: edhe kur Amerika do të mos përzihet në hallet e botës, është bota që e kërkon ndërhyrjen e saj.

Është pra vetë bota që ia njeh Amerikës statusin e kombit të domosdoshëm. Dhe kjo është krejt e kuptueshme: pa Amerikën kaosi botëror bëhet i pashmangshëm.

Hadriani, perandori i Romës së lavdishme, na e ka dhënë aksiomën që historia e konfirmon vazhdimisht: Paqe përmes fuqisë!

_____________

Papa i ri paska studiu filozofi dhe matematikë. Qenka pjestar i Urdhërit të Shën Augustinit, teologut e filozofit të madh të Krishterimit të hershëm. E pastaj po çuditeni pse po duken mirë dhe bota po i respekton!  Arsyeja është krejt e qartë: feja në duart e njerëzve të ditur, të moderuar e të kulturuar, kthehet në një tregim frymëzues për të mirën, paqen e humanizmin, ndërsa kur bie në duar të halabakëve dhe fanatikëve të çmendur e injorantë, ajo veç vuajtje e mizori shkakton mes njerëzve.

_____________

Nuk janë Mrizet e Zanave, janë Mrizret e Prekazit: