Rrustem Geci: Të burgosurit

Rrustem Geci - Dortmund

TË BURGOSURIT - poezi promemoriale, nga libri, "Heroika"

- Kur lirinë e marrin në pyetje!

Dritë e hënës hyn dhe s´ flet

Dritë e hënës ikë e s´ tretë

Gjyqet e huaja gjyq na bëjnë

Luftën për liri të na e dënojnë

Oj Kosovë , flutur me fletë

Brenda burgut,... burgu vret

Burg i Huaj nuk thotë drejtësi

Djemtë e tanë i mban n´ kuvli

Fol Kosovë, Kosovë-Shqipëri

Pjesë të tokave i kem n´robëri

Plagë e dhimbjes po lëshon za

Një këmbë te varri më ka ra

Gjaku i lirisë kurrë s´vjetrohet

Nëpër shekuj, dhe as n´histori

Këtu do jetë për jetë kjo tokë

Lirinë në burg nuk e pranojmë

Fol Shqipëri, Kosovë e lirë

Krushqit presin të marrin ty

Moj hapsane ty të raftë pika

Djemtë e tanë janë:Republika!