E marte, 27.07.2021, 06:35 AM (GMT+1)

Kulturë

S. Guraziu: Dëbora e parë

E marte, 13.01.2015, 07:27 PM


DËBORA E PARË

 

Idilë e bardhë i buzëqeshë dritares,

ndërsa ajo të gjitha m'i fal;

klithmat e fëmijëve, buzëqeshjet

e së jashtmes, ecejaket e fqinjëve...

faqeve të saj, cepave të buzëve,

acari e puth me akujt, xhamat mërdhijnë

por s'e ndalin asnjë rreze ngrohtësie,

madje as nuancën imagjinare

të së kuqes - buzët e saj lëvizin

me shurdhësinë e puthjes,

një urnë e dritësisë e lidh zemrën

e saj me timen.

 

Pastaj mora frymë thellë, thua se

për të fundit herë doja t'a ushqeja

gjakun me oksigjenin e kujtimeve,

dhe renda si fëmijë mbi bardhësinë,

gjëja e parë qe buzëqeshja,

dhe një topth të brishtë bardhësie

ia hodha xhamit, m'u bë sikur

dhe dëborën time dritarja e priti

si puthje - buzët e saj lëvizën

me shurdhësinë... edhe në largësi,

sado larg, një urnë e dashurisë

e lidh zemrën e saj me timen.

 

S. Guraziu, 2015



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora