Baki Ymeri: Breshkat e Bukureshtit

BRESHKAT E BUKURESHTIT DHE VETËMBROJTJA E BUBULLIMËS

Me vonesë e gjeta një mjerim publicistik me titullin “Mona reagon… Nuk kam qenë as bëhem kurrë rugoviste” (Radio Kosova e Lirë). Përçarja e shqiptarëve në rugovistë dhe antirugovistë nuk më pëlqen, sepse numri i viktimave të kopilave të kombit që kanë ngritur gishtin e krimit kundër bijve më besnikë të LDK-së është tejet i madh. Të bekuar janë ata që vijnë në emër të Zotit për bashkimin e trojeve shqiptare, por jo do ish komunistëve të mrolur të cilëve u mungon buzëqeshja në fytyrë. Koha do dëshmojë se inspiruesit e atentateve staliniste nuk ishin idealistë, por psikopatë, shizofrenë, hajdutë, mashtrues  dhe kriminelë. E them me keqardhje këtë dhe kjo vërehet në surratin e njërit nga ata që shpërblehet me 1 mijë euro në muaj plus 177 mijë euro “bakshish” pse qenka antirugovist! Të them se edhe unë kam qenë në shënjestër të psikopatëve, madje edhe nga ana e një breshke bukureshtare që bashkëvepron me një deputete antikosovare, mos po e teproj! Nuk e teproj gjatë janarit sepse pas 1 shkurtit hyn në fuqi një Kod i ri Penal që s’të lejon t’i demaskosh në shtyp breshkat e ntrashura si derra me lekët e komunitetit të këtushëm shqiptar.

Mona nuk është breshkë por një çilimi që sapo i bën hapat e parë në fushë të diplomacisë. Mund të garantojnë sa të duan ata që e kanë njohur këtë çupë gjoja se paska prejardhje shqiptare, apo gjoja se militoka për bashkimin tonë kombëtar. E kam njohur edhe unë dhe nuk garantoj për të, dhe ajo e di farë mirë se pse nuk garantoj! Nuk garantoj pse mënjanë tenton të përçajë shqiptarët  (ideologjikisht) dhe t’i masë shpatat me personalitete, kurse në anën tjetër ende nuk ka botuar asnjë libër (përveç prezantimit të saj në revistën “Shqiptari” sipas kontributit tim). Më ka ndihmuar me do përkthime dhe e kam ndihmuar me para të kthehet nga Tirana ku duheshin ta ndihmojnë “patriotët” që e shfrytëzojnë inteligjencinë e saj, e jo një poet me një jetë të grisur! Sidoqoftë, Mona është femër dhe femra ka nevojë për ndihmë. Po kalojmë nga interesi personal te ai nacional.

Po të mos ishte Rugova, Kosova nuk do të kishte Pavarësi, kurse redaksia Radio Kosova e Lirë do të funksiononte edhe më tej në “bunker” si në kohën e luftës. Mund t’ia fali gabimin që ka bërë Mona lidhur me botimin e reagimit respektiv sipas direktivave të dikujt tjetër, duke u bazuar vetëm në një fakt, se di shqip dhe se digjet për Shqipërinë, por jo edhe për Bashkimin e Madh Kombëtar, sepse bashkimi nuk bëhet me lehje qenjsh kundër Rugovës, Mark Krasniqit apo Bubullimës së Bukureshtit. Zoti Ahmet Qeriqi më njeh fare mirë dhe nuk ma merr mendja se ai mund të kishte dhënë vizën jeshile për botimin e reagimit respektiv! Nuk prononcohem për faktin nëse artikulli “Intrigat e deputetes antikosovare Oana Manolescu” është apo s’është imi, por shfrytëzoj rastin të them se stili i reagimit të Monës nuk është i saj, por i dikujt tjetër të cilin Mona e përmend në këtë shkrim që ma ka dërguar në Internet. Mona duket tejet e sinqertë dhe origjinale në artikullin që pason, ndaj lirisht mund ta botoni pa pyetur kend, sepse artikulli është i paprekur në pikëpamje linguistike apo stilistike! Le të mbetet si një dokument në memorjen e revistës Suaj lidhur me dallaveret bukureshtare të një klani antikosovar! (Baki Ymeri)

“DIPLOMATI” ANTIDIPLOMATIK NË BUKURESHTI DHE PRESIONET E KËRCËNIMET E TIJ!

Karrierizmi është ajo sëmundje që njeriun e prekur e bën të shajë e të vret edhe nënën e vet për një kolltuk, që vërbon ndërgjegjën dhe e çon në rrugë të gabuara antishqiptare!

Mona Agrigoroaiei

Në Balkanweb doli një analizë kushtuar 100 – përvjetorit i vendosjes së marrëdhënieve diplomatike mes Shqipërisë dhe Rumanisë. Atë që më ka përqendruar vëmendjen kanë qenë do komente të një personazhi që sulmonte autorin e kësaj analize, ambasadorin e Shqipërisë në Rumani, herë nga një nofkë, herë pas nofkeve të tjera. Unë përsonalisht nuk durova këtë gjë, duke kuptuar se kush është individi dhe se ky bashkëpunon me deputeten antishqiptare dhe joshqiptare në Rumani, Oana Manolescu (dhe sidomos dorën e dhjathtë të saj, Marius Dobrescu), e cila disa vjet më parë pati edhe një deklaratë në përkrahje të pozitës së Rumanisë lidhur me Kosovën, duke deklaruar: “Qeveria rumune nuk e njeh pavarësinë e Kosovës kurse ne si shoqatë pajtohemi me këtë qëndrim”. Çdokujt që prej gojes së vet i vijnë këto fjalë, është i shkelur nga bishti i elementeve të shërbimeve antishqiptare në Rumani! Që të pajtohesh me pozitën e mosnjohjes së Kosovës nga Rumania, do të thotë të kesh një qendrim proserb. Por nuk është çudi. Në një letër Oana ia terhoqi vërejtjen zotit Maksuti mos ta qesë në ballë të revistës Shqiptare se nuk doka t’i rrezikojë rrugëtimet për në Maqedoni, me një fjalë te tjera se nuk doka t’i prishë marrëdhëniet me sllavët e Maqedonisë! Kjo Oana ishte gjithashtu në lidhje me të ashtuquajturën kryetare e “maqedonasve sllavë” në Rumani, Liana Dumitrescu, që edhe e ka mësuar si të kandidojë, d.m.th. dalin në shesh edhe lidhjet e errta që kjo e ka me shërbimet inteligjente serbo-sllavo-maqedonase!

Pra, unë kam reaguar, prandaj, ndaj “diplomatit” antidiplomatik dhe gjithë çërdhës me të cilën bashkëpunon. Reagimi im prandaj ka qenë i motivuar nga këto njohuri dhe ndërgjëgjja ime më ka thenë se këto personazhe bëjnë lojën e djallit (lexo: shërbimeve sllavo-rumune) në Rumani. Në gjithë kohën kur kam punuar për çështjen kombëtare shqiptare nuk kam ndjekur diçka tjetër sesa të vë në pah vetëm daljen e së vërtetës. Do të luftoj gjithmonë më ata që veprojnë kundër interesave kombëtare shqiptare. Prandaj, nuk jam përzier si mizën në qumesht në punet e ambasadës, por kam kritikuar një element që vepron kundër interesave kombëtare shqiptare, duke qenë i “motivuar” nga një sëmundje tejet e rrezikshme për shendetin politik e diplomatik: karrierizmi. Karrierizmi është ajo sëmundje që njeriun e prekur e bën të shajë e të vret edhe nënën e vet për një kolltuk, që vërbon ndërgjegjën dhe të çon në rrugë të gabuara. Logjikisht se kam kritikuar këtë pozitë antikombëtare, duke kërkuar që dosjen e këtyre individeve të përcillet jo vetëm MPJ-së së Shqipërisë, por edhe Policisë së Shtetit shqiptar, për t’u ARRESTUAR për aktivitetin e tyre antishqiptar. Gjithashtu, duhet të theksoj se unë kam njohur ambasadorin e Shqipërisë vetëm një herë në jetë. Që nga ai moment nuk kam komunikuar me të, as nuk e kam telefonuar, as nuk më ka telefonuar. Nuk jam bërë servilen e askujt dhe as nuk do të bëhem ndonjëherë. Por, çdo njeri me dy kokërra tru në kokë mund të gjykojë se aktivitetet që i bën për Shqipërinë, duke përfshirë këtu edhe Kosovën, janë dëshmi të faktit se ai punon shumë dhe as nuk mburret para të tjerëve me këto aktivitete.

Dhe ka ndodhur si në përralla. Gjarpërit, kur i thyhet bishti, bëhet agresiv. Të frikësuar nga reagimi im i ashpër dhe i drejtë, individi që fshihej pas fustanit të nofkave, më thirri në telefon nëpërmjet bashkëshortës së tij, për të më bërë presione dhe madje për të më kërcënuar. Kush ishte ky individ? Ishte Luan Topciu, i cili u ndje me mizën në kësulë dhe shiste pallavra se ai është “njeri culture” e “diplomat”, kurse unë sipas tij jam një “person jointeresant”, por shtoi edhe kërcenimin se “unë mund të merrem seriozisht me ty, edhe në mënyrë të tjera” (!). Unë nuk kam nevojë për të njohur një njeri për të vlerësuar sa qindrarka vlen, sepse faktet e veprat janë të kokëforta. Unë kam dëgjuar sa kam dëgjuar dhe në fund i kam mbyllur telefonin në hundë, duke i thenë Luanit: Unë kam reaguar atë çka kam konsideruar se duhet të shkruaj!

Qëllimi i këtyre ndërhyrjeve ishte që unë të kërkoj falje publikisht për atë që kam shkruar. Por u them haptazi: unë nuk frikësohem nga asgjë! Të mos mendojnë se më ndërhyrje të këtilla do të më ndalin të them të vërtetën! Do t’i them edhe disa fjalë të tjera këtij personazhi. Nëse ai është “njeri culture” nuk duhet të sillet si një rrugaç! Dhe të mos mendojë se nëse fshihet gjithmonë pas fustanit të pseudonimeve nuk e din krejt bota kush është! Dërgimi në emaili im të një mesazhi fyes me nofkën Kushtrim Kastrioti (nofka e këtij bukëshkelësi, më të cilën ai sulmonte dikur edhe ambasadorin) dëshmon se ska mësuar sjellje elementare dhe njëherë do të bie vet në gropat që i ka bërë për të tjerët, që të bien në të. (Rumani, 28 dhjetor 2013)