Kerko: xhafer leci

Xhafer Leci: Vrasje makabre dhe enigmatike

E merkure, 06.11.2013, 09:22 PM

NË PËRKUJTIM TË INTELEKTUALIT RUHI BAKIU

Vrasje makabre dhe enigmatike

Faktet flasin se kjo është një vrasje e organizuar nga mafiozë e kriminelë brenda strukturave të pushtetit aktual maqedonas

Nga Xhafer LECI

Profesor Ruhi Bakiu u lind më 05.08.1964 në fshatin Kalisht të Gostivarit.

Ndësa vdiq, më sakt, u mbyt, më datën 08.10.2013. Trupi i tij u gjet i djegur plotësisht ,në brendinë e hotelit “Granit”, në Kodrën e Diellit, në Tetovë, i cili u përfshi nga flakët.
Profesor Ruhi Bakiu ka jetuar në Reçicë të Vogël, Tetovë. Afër dy dekada është ballafaquar me denocimin e korrupsionit dhe kriminalitetit, në institucionet ku Ai ka punuar në Republikën e Maqedonisë.

Ruhi Bakiu më 1984/85 regjistrohët në Universitetin e Prishtinës dhe më 1990 mbaron Fakultetin e Drejtësisë. Pas diplomimit pak kohë punon në Ndërmarrjen 'PULLAZI' në Tetovë. Në vitin 1994, pas themelimit të Universitetit të Tetovës, ka shërbyer si Sekretar i Universitetit. Më 1 mars 2002 punon në Universitetin e Evropës Juglindore në Tetovë, si asistent e Drejta Ligjore Kushtetuese dhe gjëra të tjera të ngjashme. Në vitin 1996-1997 mbaron studimet pasuniversitare (Grup administrative dhe politike) në Fakultetin Juridik në Prishtinë.

Pas provimeve në tetor 2001 mbron temën e Magjistraturë të titulluar "Pozicionin kushtetues dhe ligjor i shqiptarëve pas Marrëveshjes të Ohrit dhe amendamentet kushtetuese", duke marrë dilomën "Master" për studime ligjore.

Në nëntor të vitit 2005, nga Këshilli i Mësimit të Fakultetit të Drejtësisë, Universiteti i Evropës Juglindore, është miratuar doktoratura me temëm: "Aspekte ligjore dhe praktike të parlamentarizmit në Republikën e Maqedonisë".
Në vitin akademik 2004/05 ishte prodekan i Fakultetit Juridik në Universitetin e Evropës Juglindore.

Merr pjesë në përgatitjen e plan programit Akademik për gjyqtarë dhe prokurorë në vend. Merr pjesë në trajnimin e projektit dhe ndërtimin e kapaciteteve të institucioneve të qeverisjes vendore, (Trajnimi dhe Ndërtimi i kapaciteteve të Institucioneve të Vetëqeverisjes Lokale), që është organizuar në emër të Agjencisë Evropiane për Rindërtim dhe është e lidhur me planifikimin urban në nivel komunal.

Në shtator 2007, Parlamenti i Maqedonisë emëroi për antarë të Këshillit të Radios dhe Televizionit Maqedonas [1].

Më 25 dhjetor 2007, me propozimin e qeverisë, Kuvendi i Republikës së Maqedonisë e zgjedh anëtar të Komisionit Rregullator të Energjetikës të Republikës, me mandat pesëvjeçar. [2]

Publiku është i njohur për mosmarrëveshjet me rektoratin e UEJL-së dhe greva e urisë [3].

Pas magjistrimit më 2001, tani ishte në prag të Doktoraturës

Ndaj Ruhi Bakiut, gjatë këtij viti, disa herë është ushtruar presion dhe atentat.
Në shkurt të këtij viti ka qenë i kidnapuar, nga persona të panjohur. Ndërsa, në mars ka pësuar një aksident të rëndë trafiku, të cilin e ka vlerësuar të montuar qëllimshëm. Ai në opinion njihet me reagimet e tij kritike ndaj punës së KRRË-së, që kishin të bëjnë me shtrenjtimin e karburanteve dhe, në veçanti, me rregulloren lidhur me ngrohjen qendrore. Bëhët fjalë për një keqpërdorim të dhjetra miliona eurove për rrymën, ngrohjen, për të cilën nga Ruhiu është kërkuar ta nënshkruajë një dokument, të cilin ai nuk e ka nënshkruar, përshkak të parregullësive, keqpërdorimeve...

Profesor Ruhi Bakiu, disa herë është shfaqur në media, duke promovuar "Lëvizjen 12", ndërsa kishte deklaruar se është marrë në pyetje për këtë Lëvizje. Madje, ai poashtu denoncoi, kohë më parë, se është aksidentuar në rrugën Tetovë-Shkup dhe ishte ndjekur nga disa persona të panjohur. Ish profesori Ruhi Bakiu, njihet edhe për grevën e tij në Universitetin e Europës Juglindore në Tetovë, ku akuzonte këtë universitet për nepotizëm. Si punësimin e kuadrove, mësimdhënësve pa përgaditje të mjaftueshme shkollore, për dhënien e diplomave disa studentëve që nuk i kanë merituar ato me dije...
Edhe mërgimtarët janë shumë të brengosur për vrasjen misterioze të profesor Ruhi Bakiut. Kujtojmë edhe një vrasje të ngjashme, pak pas luftës së fundit në Kosovë, atë të avokatit Shaban Manaj, kuadër i LDK-së, kufoma e të cilit u dogj, deri në karbonizim, nga antikombëtarët shqipfolës të pa shpirt.

Në Gjermani u krye e Pamja për prof. Ruhi Bakiun
Në Kirchheim / Teck, me datë 20.10.2013, në lokalet e shkollës “Teck Relaschule”, u mbajtën të pamet për magjistër Ruhi Bakiu. Pamjen, bashkë me miq e bashkëveprimtarë e organizoi i vëllai i të ndjerit Ruhi, Taxhidin Bakiu, kryetar i Shoqatës “Kadri Zeka”, me seli në Nürtingen të Gjermanisë.

Në tavolinën e pritjes për të pame për pos zotëriTaxhidinit, ishin edhe veprimtari Xhafer Leci, hoxha Fatmir Ragipi, miku Kamber Kasemi dhe djali i dajës Fitim Beqiri.

Për këtë të pame një numër i madh: miq, shokë, veprimtarë e mërgimtarë nga të gjitha trojet tona shqiptare muarën pjesë. Ndër ta edhe konsulli i Republikës së Kosovës zotëri Faket Kajtazi, i cili për disa orë qendroj ulur në tavolinën e pritjes. Me këtë gjest të mirë konsulli, si diplomat, nderoi familjen, farefisin e të ndjerit Ruhi dhe të gjithë mërgimtarët pjesëmarrës të kësaj rrethine. Vlen të cekim disa emra, të cilët udhëtuan nga larg, për ta nderuar kujtimin e të ndjerit Ruhi, intelektual i guximshëm, i cili, pa kompromis, e ngriti zërin, duke luftuar haptazi, publikisht, krimin dhe korrupsionin e organizuar në ato institucione të Maqedonisë, ku ai kishte punuar. Nga Zvicra erdhën porfesor Ramadan Miftari me kolegun e tij Sylë Gushi, nga SHKSH “Malësia”, në Mössingen të Gjermanisë; zotëri Hazir Beqaj, kryetar, Asim Lokaj, sekretar dhe Sabit Muli, arsimtar; nga SHKSH “Nëna Terezë”, në Göppingen, Jahja Gashi, kryetar, Besnik Jusufi arkëtar, dhe Sylë Sylaj, arsimtar, nga Stuttgart-i. Asllan Dibrani, veprimtar dhe ish i burgosur politik me arsimtarin Zeqir Asllani, dhe hoxha Hazbi Sylejmani, nga Walheim-Teck, Muharrem Halimi, përkthyes zyrtar, nga Wendlingen-i, Kirchheim-i e Nürtingen-i, Ylli, i biri i ish të burgosurit shumëvjeçar Kadri Mani, me shokë si: Selajdin Shuka, Balë Leci, Hajriz e Feriz Fetahu, Hysen, Azem e Adem Matoshi, Rexhep Abdullahu, Anton Gojani, Xhemail Krasniqi, Shaban Galica, Afrim Azemi, Zejnullah Sadiku, Naser Sylejmani, Haxhi Maloku me vëlla etj., nga Reichenbach-u, Hamzë Ibrahimi, Islam Shahini, Isak Pllana e shumë e shumë veprimtarë e mërgimtarë të tjerë, që nuk më kujtohen emrat, por edhe lista do të bëhej shumë e gjatë po të përmendnim të gjithë.

Në pamundësi për pjesëmarrje në këtë të pame, Telegram ngushllimi dërguan; Idriz Zeqiraj,

Zotëri Taxhidin Bakiu

Me hidhërim të thellë kemi mësuar vdekjen tragjike dhe enigmatike të vëllait Tuaj shumë të nderuar Ruhi Bakiut. Duke qenë pjesëmarrës në dhembjen Tuaj të madhe personale dhe familjare,

ju shprehim ngushëllimet tona të çiltra.

Jeta dhe vepra e Ruhiut tuaj dhe tonit, dëshmon pjekurinë e lartë intelektuale, përgjegjësinë fisnike për fatin e popullit dhe të vendit. Guximi qytetar, për të luftuar të keqen në shoqërinë tonë, sa të vonuar në zhvillim dhe manicipim, po aq të sëmurë dhe në stagnim, Ruhiut i jep përmasën e atdhetarit të përkushtuar, me integritet dhe dinjitet solid.

Në këto ditë të rënda pë Ju dhe familjen Tuaj, ne, miqtë e Juaj të sinqertë, lutemi të gjeni forcë ngushëlluese, në veçanti, tek fëmijtë e tij.

Me dlirësi ndjenjash - juaji Idriz Zeqiraj

Hasan Qyqalla, Vitor Spaqi, Nami Ramadani dhe Baki Mustafa.
Për këto të pame falënderojmë të gjithë pjesëmarrësit e në veçanti, Burim Ejupin dhe Mustafë Drainca të cilët mrekullueshëm punuan, shërbyen me kuzhinën-pijet.

I ndjeri profesor Ruhi Bakiu, pas vetes ka lënë gruan dhe dy fëmijë, vajzë dhe djalë,
prindërit, 4 (katër) vëllezër e një motër.
Dy fjalë nga shkruesi i këtyre rreshtave për familjen Bakiu: E kam njohur babën e të ndjerit Ruhi, 78 vjeçarin Sami Bakiu, qysh në vitet 1970-ta, si njërin nga mërgimatrët dhe puntorët më të ndershëm të kësaj ane. Samiu ka punuar afër tri dekada në Gjermani, deri sa është pensionuar në moshën 65 vjeçare. Po ashtu ka shumë vite që e njoh edhe të vëllain e të ndjerit Ruhi, Taxhidin Bakiun, si një djalë shumë të mirë, atdhetar të ndeshëm e human. Taxhidini aktualisht është kryetar i Shoqatës Kulturore Shqiptare “Kadri Zeka” dhe punëdhënës i 20 puntorëve.