Tahir Bezhani: Cikël me poezi erotike

Tahir Bezhani

AI BLE   FLOKU

-B-

Ai ble floku i përdalë

Më çmendë

Kur shëtitë nga erë e lazdruar

E miklon faqet e buta

Gjymtyrët e trupit mi kallë

Aroma  e këndshme ...

E buzët tua te kuqe si mollë

Ai ble floku më valëvitet

Fytyrës lehtas si gojfil në bjeshkë

Vrimat  trupit mi  hapë

Shpirti dehet në mënyrën e vet

Dua kujtimet t’i mbështjellë

T’i lidhë

Rrugët zikzake

Duke thithur ajrin e fundit

Me flokun tënd  përdredhë

Drejtë amshimit....

DASHURI E NGRIRË

-V-

Ndarje e akullt

Rrugëve të heshtjes

Duke përcjellur dhimbjen

Në lëpirje të buzëve

Deri në thellësi shpirti...

Ngrirje lotësh

Valëvitje kujtimesh

Deri në shkrumnajë

Qenie e murosur në ofshamë

Nuk do e them lamtumiren dot

Shikim i tretur në hapësirë

Rreshkur në rreze dielli

Rrugëve të çmendura...

Prill,2011

Gjakovë

BUZË LIQENI

Kaltërsia magjepse

Trazonte epshet e zjarrta

Në fërkimin e pritjeve të gjata

Puhia miklonte mallin e venitur

Idhtë puthte syrin tim të pikuar

Plot dashuri

Në majën e Cahanit

E unë,

Puthja syrin tjetër

Varur në buzët e qara etje

Buzë liqeni bukuri e rrallë

Shkëmbehen puthjet  në ikje dite

E dita strukej në vorbullën e vet

Duke zgjatur gishtat në përshëndetje

Për t,u parë në stinën e luleve

Kur fluturat nuhatin  aromën

Kur dielli sërish përvëlon

Buzë liqenit,

Te Bjeshka Cahan

Takimi i radhës....

24.Tetor, 2010

MBREME NUK ERDHE

Dëshira mbeti e varur

Në degën  shpresës së vrarë

Ti nuk erdhe,

Në takimin e zemrave të shqyemë

Tani dikush tradhtoi

E tradhtia dhëmbë  fort-djeg

Ndoshta ëndrra ime  qeshte hijeve

E mashtrimi puthë flaken e luleve...

Unë prita!

Ti nuk erdhe

Në ngrohtësinë e shpirtit

Shpresa ime  lodron fushave

Bardhësive të ëmbëlsuara....

RRUGËTIM I GJATË

Rrugëve të gjata po vjen

Andej detit me anije udhëton

Në cepin e palubës kujtimet shkrihen

Loti degëzohet faqeve

Si krojet ne bjeshkë

E ngazëllyer plot dashuri

Valët e detit duke i përpi

Rrugëtim i gjatë

Në pritjen e dhimbjeve...

Mes dy zjarreve shkrumbuar

Etja është stërpikë malli

Thahet në shtigjet e pritjeve të gjata

Sa e gjatë puthja e përmallshme!....

Tetor, 2010

Gjakovë