E merkure, 17.07.2019, 02:53 PM (GMT+1)

Kulturë

Poezi nga Zymer Mehani

E hene, 04.02.2019, 09:00 PM


Zymer Mehani

NË BALLIN E FËMIJËVE TANË

Në ballin e fëmijëve tanë

Si në abetare atdheun e lexojmë

Në të dhe për të jetojmë

Në një atdhe u lindëm

Që ka zemrën më të fortë se guri

E u rritëm me ninulla

E me krisma pushkësh

U mëkuam nga nënëlokja

Me dashuri për Flamurin

Dhe për gjuhën shqipe

Për shkëmbin e gurin

U lindëm në një atdhe

Që e kemi Zot, fe e përmbi fe

Që forcën e një kulle prej guri

Ku trimat betohen

Në puthje te Flamuri

Ku shqiptari është mbret

Nga deti në det

Në një atdhe u lindëm

Ku fëmijët tanë

Me emrat e tyre

Vizatojnë hartën e Shqipërisë sonë

Ata krenarisht mbajnë emra

Fshatrash, qytetesh,

malesh, luemjsh detesh

Si Vlorë, Milot, Gramoz,

Erzen, Korab, Shëlzen...

Në një atdhe jemi lindur

Ku jeta ka një kuptim

Ku dhe kënga ka butësinë e urtisë

Ku burrat e zgjedhur të kombit

Martohen me mortjen

Për liri t’ shqiptarisë

O VËLLA, MË TREGO!....

Si të mos jem i pikëlluar

O vëlla, më trego

Kur shoh e ç'nuk shoh

Në këtë kohë të pakohë

Nëna me përparëse të arnuara

Baballarë me këpucë të grisura

Fëmijë të varfër -

Sy engjujsh të tretur

Duar të shtrira për lëmoshë

Njerëz hipokritë sa të duash

Vjedhës, të korruptuar plot

Ah, ruana prej tyre, o i Madhi Zot!

Si të ndjej gëzim

M'thuaj, vëllai im

Kur fqinjit i mungon buka

Atij tjetrit- barnat

Këtij, këtu i ka humbur shpresa

Ku mbeti nderi dhe besa?!

Pse gjithë kjo e keqe mes nesh

Gjithçka është bërë li e lesh

A ka kush që e merr vesh?!!!

S'DO TA DIJA....

Kurrë s'do ta dija rrugën time

Sikur të mos ma tregonte vargu im

S'do t'i dija as shtigjet e shtegtimeve

Sikur të mos më printe imi vargëzim

Porsi i pandërprerë uragan

Ç'më kall, ç'më djeg një zjarr

Jam bërë rojtar poezie

Dua të digjem në ndjenja atdhesie....

GJERAQINA

As më thua,

Pse të quajnë gjeraqinë?

-Pse ke sqep të kthyer,

Gjithnjë je vetëtimë ?

-E sillesh, shëtitesh,

Mbi Atdhe vërtitesh!?....



(Vota: 0)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT