Editorial
Ekskluzive - Albert Vataj: Beogradi i jep shah pavarësisë së Kosovës
E marte, 11.12.2007, 02:22 PM
Nga Albert Vataj - Ekskluzive per Zemra Shqiptare
Albert Vataj |
Ndërsa në Mitrovicë hapet një zyrë në kundërshtim flagrant dhe në papajtueshmëri me kornizën kushtetuese të Kosovë dhe në shkelje e rezolutës 1244, Bashkimi Evropian e vendosur larg unanimitetit shprehet e vendosur për të parandaluar shpërthimet e dhunës ndërkohë që në Ballkan janë shtuar tensionet lidhur me statusin e Kosovës.
Ministri i Jashtëm Britanik, David Milliband, ka shtuar se: "Kosova është në Evropë dhe për mendimin tim është me rëndësi esenciale angazhimi evropian për të udhëhequr përgjigjen ndërkombëtare tani që e kaluam afatin e 10 dhjetorit. Mendoj se është e qartë për të gjithë se megjithë përpjekjet e mëdha të Treshes gjatë katër muajve të fundit, qendrimet e kundërta të palëve nuk arritën të kapërcehen dhe tani Bashkimi Evropian duhet të përmbushë përgjegjësitë e veta ndaj të dy palëve, si ndaj kosovarëve ashtu edhe ndaj serbëve, po ashtu të dy palët kanë të drejtat dhe përgjegjësitë e tyre për këtë çështje”.
Ndërsa ministri i Jashtëm i Suedisë, Carl Bildt, paralajmëroi se ndarjet e brendëshme kanë patur pasoja shkatërrimtare në të kaluarën duke aluduar për një rrezik të tillë në të tashmen, nëse me këtë qoftëlargut kërkohet t’i krehet bishti Serbisë. Ai ka nënvizuar se: "Rreziku është i madh. Ne jemi përballë prirjes për prishjen e stabilitetit në gjithë Ballkanin, prandaj nuk duhet të përsërisim gabimet e viteve 90-të, kur Bashkimi Evropian ishte i ndarë dhe nuk vuri re disa nga detajet kritike, prandaj ne kemi përpara një punë që kërkon vemendje ndaj hollësive”. Shefi i politikës së jashmte të Bashkimit Evropian, Javier Solana, nga ana e tij është shprehur disi më optimist duke shpresuar se BE-ja do të jetë e bashkuar dhe do të përmbushë pëgjegjësitë që i takojnë. "Ne do të shkojmë përpara dhe për mendimin tim qendrimet brenda Bashkimit Evropian po afrohen. Mendoj se ne do të jemi në gjendje të arrijmë në një qendrim të përbashkët dhe do të përmbushim përgjegjësitë tona. Ne kemi një mision për përfaqësinë ndërkombëtare në Kosovë dhe jemi angazhuar gjithashtu për policinë dhe gjyqësorin, si dhe për elementët e ekonomisë. Gjithësesi, mendoj se ne do t’i përmbushim përgjegjësitë tona”.
Sot kur situata rrezikon të dalë jashtë kontrollit nga momenti në moment, rolin i vendosmërisë ndërkombëtare është përcaktues, duke vënë nën fre provokimet serbe dhe duke bindur shqiptarët se maturia dhe do të jetë gurë prove për të përftuar mëvetësinë dhe njohjen e shtetit të Kosovës.
Komentoni
Artikuj te tjere
Mërgim Korça: Rreth Patër Anton Harapit
Shqiptarët etnikë banojnë prej mijëra vjetësh në trojet e tyre
Ekskluzive: Jeton Kelmendi - Nëntori i Thaçit dhe vera e thate e LDK-së
Idriz Zeqiraj: Reagim, përgjithësimi si hapësirë manipulimi
Pierre-Pandeli Simsia: Misioni Shqiptar pranë Organizatës së Kombeve të Bashkuara dha një...
Pierre-Pandeli Simsia: Flamuri Shqiptar valëvitet krenar përkrah Flamurit Amerikan në qendër të Nju Jorkut
Fjalimi i Veton Surroit nga bisedimet per status ne Baden
Fatmir Sejdiu: Kosova duhet të jetë e pavarur
Ismail Kadare: Shqiptarë, duajeni më shumë veten!
Mërgim Korça: Një libër që duhet lexuar nga çdo shqiptar
Xhafer Leci: Qëndresa e Jasharajve, histori më vete...
Mërgim Korça: 95 vjetori i krijimit të Shtetit Shqiptar
Albert Vataj: Garderoba e dritave të kuqe dhe Shqipëria
Pierre-Pandeli Simsia: Intervistë me Drejtorin e Festivalit Folklorik të Diasporës në Sh.B.A. zotin Mark Shkreli
Ekskluzive - Albert Vataj: Garderoba e dritave të kuqe dhe Shqipëria
Mërgim Korça: Përkujtesë e drejtuar historianëve të Akademisë Shkencave...
Isuf B. Bajrami: Shpallja e Pavarësisë së Shqipërisë dhe formimi i shtetit shqiptar
Ka ardhur momenti që trashëgimia çame në Greqi të ndërkombëtarizohet siç duhet
Pierre-Pandeli Simsia: U zhvillua Festivali i 17-të Folklorik i Diasporës Shqiptare në Sh.B.A.
Ndue Ukaj: Deklamimi i poezisë së Nenës Terezë në një CD