Xhevahir Cirongu: Doktor Miri Hoti - njeriu i vlerave humaniste njerëzore

Doktor Miri Hoti - njeriu i vlerave humaniste njerëzore…

(Me rastin e 83 vjetorit të lindjes)

Skicë nga Xhevahir Cirongu

Për doktor Miri Hoti është shkruar edhe më parë, janë dhënë edhe vlerësime të ndryshme të merituara ndaj këtij njeriu të urtë, largpamës, fjalëëmbël e komunikues me njerëzit në tërsi, por edhe si një mjek profesionist të një niveli të lartë shkencor në shërbim të mijrave pacientëve në mbarë shqipërinë! Me doktor Mirin jam njohur nga afër  në spitalin e qytetit të Durrësit. Kisha njohuri edhe më parë për këtë specialist si një kirurg i zoti, por edhe si një njeri me vlera cilsore humanitare, i cili me fjalën e tij të ëmbël e me sjelljen “Engjëllore” ndikonte indirekt sado pak në shërimin e plagëve te pacientët.Për këtë njeri vizionar,i cili kurrë nuk u lodh në shërbim të njerëzve, edhe sot respektohet me shumë dashuri nga gjithë qytetarët e qytetit të Durrësit. Datëlindja e doktor Mirit është 22 Maj 1942. Vitet ikin pa u ndjerë, por doktor Miri Hotin se mposhtin dot. Para disa ditëve , pra më 22 maj 2025 festoi 83 vjetorin e lindjes. Aushtu, me hapin e ngadaltë, por të sigurtë, bashkë me bashkëshorten e tij Jeta, ecën çdo ditë mëngjeseve bulevardit e rrugicave të qytetit Durrës. Janë të shumtë nerëzit e grupmoshave të ndryshme , madje edhe fëmijë, të cilët ndalojnë për një çastë e  përshëndeten apo edhe përqafohen me doktor Miri Hotin. Pavarsisht moshës, doktor Miri mban po atë ritëm e dashuri njerëzore për gjithë njerëzit që e duan e i do me gjithë zemër.

E takojmë shpesh kur ai del për shëtitje te parku ‘’ Moikom Zeqo’’ në hyrje të durrësit. Bisedojmë për të djeshmjen e të sotmen, sjellim kujtime të ndryshme dhe….ashtu si pa dashje derdh lotkujtime nga jeta e tij! Hedh vështrimin nga deti adriatik, vështron pemët plot gjelbërim, këput një lule e ia dhuron me gjithë shpirt një fëmije i cili ishte aty pranë ulur te stoli. Doktor Miri Hoti me punën e tij plot sakrifica lexohet qartë kontributi i vlerave mjekësore shkencore e humane. Largohemi nga ai stol me fjalën e urimit nga zemra: Edhe 100 pranvera të tjera doktor Miri Hoti!

Xhevahir Cirongu

Durrës, 23 Maj 2025