Poezi nga Timo Mërkuri

Timo Mërkuri

Ëndërat

1-Ëndra që pashë mbrëmë

Mbrëmë pashë një ëndër të bukur shumë

Vetë Zotin pashë që foli shqip

-Të bëhet dritë- tha hijerëndë

E dorën zgjati mbi vendin tim.

Dhe u bë dritë…

Shteruan burimet e lotëve, e gëzimi

Si shatërvan shpërtheu në çdo zemër….

…..Mbrëmë

                    pashë një ëndër që më lumturoi të tërin

…Sa keq që ishte ëndër.

2-Gjeli i komshiut

Do ta vras gjelin e komshiut

                                              se më zgjoi

Porsa ti më erdhe në ëndër

Dhe nuk munda të të puth.

                                           Nuk munda të të flas.

Sa pa fat qënkam unë i ziu.

Dhë në ëndra qënkam i pa fat.

Do ta vras gjelin e komshiut

                                          Do ta vras!