Kostaq Duka: Vizatime - Cikël me poezi

Kostaq Duka

Vizatime

-Cikël me poezi-

Lagështi

Përgjumje e lagësht

Në rrugë,

Në qelqet e godinave,

Në dritën vagëlluese të makinave

Në degët e pemeve.....

Mes lagështisë,

Më ngjan  vetja,

Mbështjellë në pelenat e fëminisë.

Magjia e natës në Chicago

Shikimi i syve

Tretet mes yllësisë së dritave.

Trupi në ecje  peshën e humbet.

Chicagoja

Hap portën e madhe

Per t'u kredhur në hapësirën qiellore.

Malet

I kërkoja

I kërkoja me dhimbje malli malet e Moravës....

Ato erdhën së largu në muzg,

Mbi shpatullat e reve.

Birra "Panda" në Nju Jork

-Miqve të mi Ligor Prifti dhe Dhimitraq Papando-

Jo këtu, jo atje,

Pak më tej.

Një gote birre

Në kryeqendren e Botës

I kerkonim patjeter dekorin e  Korçës.

A tani po!

Tha mikpritësi

Tek na afroi, brenda lokalit një hije peme,

Nje tavolinë druri,

Nje orkestër,

Nje pistë të vogël vallzimi....

Pini e enderroni

Kjo eshte "Panda "-Ajde gezuar,birren shijoni !

Maj 2011