Sport » Sporti

Qerimaj, kampion i Mesdheut me tre medalje ari

E merkure, 12.12.2007, 07:21 PM

Erkand Qerimaj

Kampioni i botës për të rinj, Erkand Qerimaj është shpallur fitues i “Kupës së Mesdheut” në sportin e peshëngritjes. Mbasi ka humbur një konkurim në aktivitet botëror për faj të problemeve në federatën e këtij sporti, Qerimaj dhe traineri i tij Genc Barkiçi kanë shkëlqyer në mesdhe, duke marrë të tre medaljet e arta. Shkodrani ka marrë të treja medaljet e arta në stilin e shtytjes, shkëputjes dhe në dygarësh. Në këtë aktivitet, Qerimaj merrte pjesë në peshën e 77 kg dhe as që i ka diskutuar vendet e para dhe medaljet.Mbas ngritjes së flamurit kombëtar nga Qerimaj, për femra ka konkuruar edhe Romena Begaj që ka fituar medaljen e artë në peshën e 58-të kg dhe dinjitozë kanë qënë edhe peshëngritësit e tjerë Tabaku e Trasha. Gjithsesi, talenti shkodran edhe një herë ka treguar se është pjesë e rezultateve të vërteta dhe i sportit të pastër e të sukseshëm. Qerimaj në fakt po sjell jo vetëm Shkodrës, por edhe vendit, gjithmonë medalje dhe gjithmonë nder e lavdi dhe është i vetmi talent i tillë, që nuk ka preferuar të aktivizohet për klube të huaj kryesisht greke. Nga ana tjetër, asgjë e veçantë nuk është bërë për të konsideruar edhe atdhetarizmin e Qerimajt si në Shkodër ashtu edhe në federatë për një sportiest, i cili jo vetëm që nuk krahasohet me të tjerët përsa i përket rezultateve dhe është shëmbull në stërvitje, por edhe pse vazhdon përpjekjet e tij për një sport elitar dhe cilësor me kushtet e dobëta që i kanë rezervuar si në Shkodër dhe në kombëtare.

Sot

(Vota: 0)