Poezi nga Engjëll Koliqi

Engjëll Koliqi

 

 

ME SHIJE DASHURIE

 

Që nga mëngjesi i parë

I pranverës së shekullit të ri

Me shije dashurie ha

Dhe çdo ditë e më shumë

Më shtohet rrita

Dhe hijeshia

                        Garlate (Lecco), 14 korrik 2010

 

NDIHMA E DIELLIT

 

Edhe n’udhët e humbura

Të kësaj stine

Dielli im më prinë

Në të lumet kahje

Të dashurisë

Deri në amshim

...

                        Garlate (Lecco), 14 korrik 2010

 

PËR POPULLIN TIM

 

Me vullnet të madh

Dhe me venom

E hapi sot

Regjimin e dashurisë

Që të mos mbyllet

As në amshim

Vallja festive sillet

Dhe bëhet e përditshme

E hareshme

Dhe e domosdoshme

                        Garlate (Lecco), 14 korrik 2010

 

I FRYEJMË ZJARRIT TË DASHURISË

 

Me lulen e shpirtit tim

Të njëjtë bëhemi

Në kokë dhe në zemër

I fryejmë bashkë

Dhe e ndezim fuqishëm

Të bekuarin zjarr

Të dashurisë

-

Që të kalitemi

E të ëmbëlsohemi

Për në parajsën e amshimit

                        Garlate (Lecco), 14 korrik 2010

 

KUR HËNA NDËRRONTE FYTYRAT

 

Neve s’na kishte mbetur

Tjetër rrugë

Vetëm ta përqafonim

Edhe qenësinë e quditshme

Që nuk përkonte

Me origjinalitetin tonë

...

Ishte natë

Dhe nuk shihej gjë

Veç asaj që hëna

Arrinte të ndriste

...

Ne dilnim

Edhe nga lëkura jonë

...

                        Garlate (Lecco), 14 korrik 2010

 

DO TË DOJA TË JEM EDHE UNË

 

Në pikën kulminante

Të dashurisë

Në vallen e hareshme

Të ëndërrave historike

Sa bukur ndritë

Qielli mbarë

...

                        Garlate (Lecco), 14 korrik 2010

 

MË MERR NË PËRQAFIM

 

Mos hezito

Ti më e bukura lule

Ëndërrave të mia

Eja bindshëm

Me fuqi mrekullie

Më merr në përqafim

Dhe më shtrëngo

Me t’ëmbëlat mëkate

Të dashurisë

-

Gëzuar!

                        Garlate (Lecco), 14 korrik 2010

 

NË DJEPIN E DASHURISË

 

Me të mrekullueshëm lezet

Dhe me plot marifet

Na përkundë

Dhe na rritë

Ky shekull i fatit

Ninulla na këndon

Për lumturinë e amshuar

-

Gëzuar!

                        Garlate (Lecco), 14 korrik 2010

 

NË TAKIM ME FATIN

 

Kjo zemër

E mbushur me dashuri

Me plot krenari

Hyn

Dhe bukur vallëzon

Në të bekuarën valle

Të dashurisë

Me gëzim shoh amshimin

Që na buzëqeshë

                        Garlate (Lecco), 14 korrik 2010

 

EDHE TË VDEKURIT FLASIN

 

Nuk durojnë më

Në këtë stinë të imponuar

Nga mëkatet rrethuar

Tashmë flasin

Drejtësi dhe liri kërkojnë

Edhe të vdekurit

...

                        Garlate (Lecco), 14 korrik 2010

 

AJO RRUGË PA DALJE ËSHTË

 

Edhe kësaj here e ndjej

Dhe jua them

Kujdes

Mos hyni asaj rruge

Sepse është pa dalje

Dhe mbeteni

Të kurthuar

E të humbur

Labirinteve të sherrit

Të sulmuar

E të vrarë

Nga mëkatet

...

                        Garlate (Lecco), 14 korrik 2010

 

ME BEKIME DASHURIE

 

Na hapet dera e madhe

E shekullit të ardhmërisë

Dhe amshimi na pret

Krahëhapur

Dhe të buzëqeshur

Ngrisim

Flamurin e mbretërisë

-

Gëzuar!

                        Garlate (Lecco), 14 korrik 2010

 

HAPSIRË DASHURIE

 

Mos u habitni

Me mua dhe mbretëreshën

Kudo në tokën tonë

Në të gjitha relievet

Është hapsirë e bekuar

E dashurisë

                        Garlate (Lecco), 14 korrik 2010

 

NË SOFRËN E DASHURISË

 

Jemi ulur

Me vullnet

Dhe me krenari

Me shumë të mira

Dhe me plot shije

Të shijojmë

Mjaltin e kësaj stine

Dhe të botës së ëmbël

Të njerëzisë

Ne presim kafshata

Të mrekullisë

                        Garlate (Lecco), 14 korrik 2010

 

NË QENIEN E VËRTETË

 

Duke puthur

Flamurin kombëtar

Dhe duke u betuar në tradita

Nderojmë

Personalitetet dhe shenjtërit

E mbarë Ilirisë

                        Garlate (Lecco), 14 korrik 2010

 

PIKAVE TË VENDIMIT

 

Gjithnjë jemi

Të rregullt

Të saktë

Të shpejtë

Të pandalshëm

Dhe të palodhshëm

Në të gjitha aktet

E dashurisë

                        Garlate (Lecco), 14 korrik 2010

 

NË VALËT E DASHURISË

 

Jemi të rregullt

Dhe mësohemi

Të notojmë

Edhe të fluturojmë

N’oqeanin

Dhe në qiejt

E lumturisë

-

Gëzuar!

                        Garlate (Lecco), 14 korrik 2010

 

VUAJTJET QË KAM PËRJETUAR

 

Më kanë lodhur atëherë

Por edhe më kanë bërë mirë

Sepse

Më kanë forcuar

Dhe çelikosur

Për të lumturuarin shekull

Të dashurisë së amshuar

Duke ma siguruar

Kurorën e fronit

                        Garlate (Lecco), 14 korrik 2010

 

SHTYLLA TË DASHURISË JEMI

 

Në këtë të parën stinë

Të shekullit të ri

Dhe deri në amshim

Ne të dy

Me fuqi mrekullie

Jemi

Dhe mbetemi gjithmonë

Shtylla të forta

Dhe të ndritshme

Të së shenjtërueshmës dashuri

-

Gëzuar!

                        Garlate (Lecco), 14 korrik 2010

 

ME VIRTYTET E ORIGJINËS

 

Në të bekuarën valle

Të engjëjve dhe të shenjtërve

Iliro-dardanë

Me fuqi mrekullie

Dhe me ëmbëlsi dashurie

E nisi

Dhe e vazhdoj deri në amshim

Kremten e fitores

Së historisë

-

Fuqishëm këndoj

Hitin e tifozëve të futbollit

O sa mirë me qenë shqiptar

-

Gëzuar gjithmonë

Përpara

!!!

                        Garlate (Lecco), 14 korrik 2010

 

GJAHTAR NË GJAHUN E DASHURISË

 

Në pyllin e ndritur

Dua të jem gjithmonë

Gjahtar i denjë

Dhe i devotshëm

Në gjahun e dashurisë

                        Garlate (Lecco), 14 korrik 2010

 

NË BUKURINË E BESUESHMËRISË

 

Me përkushtim t’amshuar

Jemi

Dhe mbesim

Gjithmonë

Në të bekuarin fron

Të dashurisë

                        Garlate (Lecco), 14 korrik 2010

 

KAM SAKRIFIKUAR DHE...

 

Për fatin e historisë

Kam dalur fitues

Dhe ia kam hapur botës

Derën e madhe

Të amshimit të dashurisë

                        Garlate (Lecco), 14 korrik 2010

 

LIRSHËM

 

Nis aktin e parë të dashurisë

I mbushur me lumturi

Nga bota në botë bredh

Duke u thirrur në realitet

Kërkoj të plotë solidaritet

                        Garlate (Lecco), 14 korrik 2010

 

DUKE SHKUAR

 

Kanë gërvishtur

Arteriet e kohës

Dhe janë vetëpenguar

Në puçrrat e gjakosura

Të shekullit të kaluar

...

                        Garlate (Lecco), 14 korrik 2010

 

NË SHKALLËN E PARË TË KËNAQËSISË

 

Shumë ëmbëlsi

Kemi shkëmbyer

Dhe kemi vulosur

Emrin e shenjtë

Të dashurisë

-

Gëzuar!

                        Garlate (Lecco), 14 korrik 2010