Lazim Miftari: Ushtari i lirisë – UÇK

USHTARI I LIRISË – UÇK

Ngrihet mali, thërret kushtrimi,

ushtari del me shpirt të zjarrtë,

flamuri valon si flakë amshimi,

luftëtari fuqinë në gjoks e bartë.

Mos harro, bir, besën e kombit,

ruaje flamurin si gjak në dorë,

sytë e saj, në krrokama t'korbit,

lotët i derdhte të ftohtë si borë.

Nëse bie për liri, bëhesh dritë,

emri yt gdhendet përmbi gurë,

në këngë do të rrosh me meritë,

trimëria jote s'harrohet kurrë.

Në çdo cep ia kanë zënë pritën,

hijet e zeza janë nisë me ardhë,

në palcë armikut ia shtinë frikën,

burra trima me shpirt të bardhë.

Pushka krisi, ushton fort mali,

si lumë i kuq po derdhet gjaku,

nuk ndalet ushtari, as gjenerali,

luftojnë trimat nga derë oxhaku.

Shokët bien, kënga nuk pushon,

flamuri valon mbi tym e pluhur,

në gjak rritet, në zemra lulëzon,

trimat arrijnë në kohë të duhur.

Ushtari kthehet me plagë në trup,

por sytë i ndriçojnë si agimi i parë,

luftën e fituan me taktikë në grup,

në atdhe kthehet si nder i rrallë.

Nëna del e pret me lule në dorë,

ai i buzëqesh me plagë të rëndë,

nuk i sjell ar, as nuk sjell kurorë,

por lirinë e fituar ndër dhëmbë.

Në gurin e varrit gdhendet lavdia,

në këngët e popullit rron përjetë,

ushtari i lirisë bëhet vetë historia,

shqiponjë që ngrihet lart mbi retë.

Liria ka emër – UÇK!

Lavdi të rënëve për liri!

Lavdi!

Lazim Miftari

Prishtinë, 21 Qershor 2026